ରାଷ୍ଟ୍ରୀୟ ଜନଜାତି ଆୟୋଗ (ଏନ୍ସିଏସ୍ଟି )ସଙ୍କଟରେ: ଖାଲି ପଦବୀ ତୁରନ୍ତ ପୂରଣ ପାଇଁ ସାଂସଦ ନିରଞ୍ଜନ ବିଶିଙ୍କ ଦାବି
ନୂଆଦିଲ୍ଲୀ:27.03 ରାଜ୍ୟସଭା ସାଂସଦ ନିରଞ୍ଜନ ବିଶି ରାଷ୍ଟ୍ରୀୟ ଆଦିବାସୀ ଅlଯୁକ୍ତ ଙ୍କ ଅବସ୍ଥା ଉପରେ ଗଭୀର ଚିନ୍ତା ପ୍ରକାଶ କରି ଏହl ଆଦିବାସୀ ମାନଙ୍କ ସ୍ୱାର୍ଥ ସୁରକ୍ଷା ସକାଶେ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ବୋଲି ଉଦବେଗ ପ୍ରକାଶ କରିଛନ୍ତି । ଏହା ଆଦିବାସୀ ଅଧିକାର ସୁରକ୍ଷା ପାଇଁ ଦେଶର ଏକ ପ୍ରଧାନ ସଂବିଧାନିକ ଅନୁଷ୍ଠାନ । ରାଜ୍ୟସଭା ସାଂସଦ ଶ୍ରୀ ବିଶି କହିଛନ୍ତି ଯେ ସଂବିଧାନର ଧାରା ୩୩୮ କ ଅନୁଯାୟୀ ଏହି ଆୟୋଗ ଗଠିତ ହୋଇ ଆଦିବାସୀ ସୁରକ୍ଷା ବିଷୟରେ ତଦନ୍ତ ଓ ନିରୀକ୍ଷଣ କରେ ଏବଂ ଏହି ଆୟୋଗ ର ସିଭିଲ୍ କୋର୍ଟ ଏବଂ ଫୌଜଦାରୀ ଅଦାଲତ ଭଳିଆ କ୍ଷମତା ରହିଛି ବୋଲି କହିଥିଲେ ।
ସାଂସଦ ଶ୍ରୀ ବିଶି କହିଛନ୍ତି ଯେ ବର୍ତ୍ତମାନ ଆୟୋଗ ଗଭୀର ସଙ୍କଟରେ ଅଛି। କାରଣ 2023 ଶେଷ ଓ 2024 ଆରମ୍ଭରେ ୫ ଟି ମୁଖ୍ୟ ପଦବୀ ମଧ୍ୟରୁ 4ଟି ଖାଲି ଅଛି ଯଥା ଅଧକ୍ଷ, ଉପାଧ୍ୟକ୍ଷ, ଓ ଦୁଇଟି ସଦସ୍ୟ ପଦବୀ।
ସେହିପରି 124 ଟି ଅନୁମୋଦିତ ପଦବୀ ମଧ୍ୟରୁ ୭0ରୁ ଅଧିକ ପଦ ଖାଲି ପଡିଛି । ଏହା ଫଳରେ ଆୟୋଗ ୫0% ରୁ କମ୍ ଅଧିକାରୀ କର୍ମଚାରୀ ଙ୍କ ଦ୍ୱାରା କାର୍ଯ୍ୟ କରୁଛି।
ଏହି ପରିସ୍ଥିତିରେ ଶ୍ରୀ ବିଶି ସରକାରଙ୍କୁ ତୁରନ୍ତ ସମସ୍ତ ଖାଲି ପଡ଼ିଥିବା ପଦଵୀ ଗୁଡିକ ପୂରଣ କରିବା ଓ ଆୟୋଗକୁ ସୁଦୃଢ କରିବାକୁ ଦାବି କରିଛନ୍ତି।
ଜାତୀୟ ଆଦିବାସୀ ଆୟୋଗ (“ଏନ୍ସିଏସ୍ଟି)ରେ ପଦଵୀ ପୂରଣ କରିବା କେବଳ ପ୍ରଶାସନିକ କାମ ନୁହେଁ, ଏହା ସଂବିଧାନିକ ନ୍ୟାୟର ପ୍ରଶ୍ନ,” ବୋଲି ସାଂସଦ ଶ୍ରୀ ବିଶି କହିଛନ୍ତି।
