ଧର୍ମଗଡ:୯/୫/୨୨: ମ ନି ସ ଗ୍ରାମାଞ୍ଚଳ ରେ ବିଶୁଦ୍ଧ ପାନୀୟ ଜଳ ଯୋଗାଣ ପାଇଁ ସରକାର ବିଭିନ୍ନ ଯୋଜନାରେ ଲକ୍ଷ ଲକ୍ଷ ଟଙ୍କା ଖର୍ଚ୍ଚ କରୁଛନ୍ତି । କିନ୍ତୁ ଏହି ସବୁ ଯୋଜନା ର ଲାଭ ସାଧାରଣ ଲୋକ ପାଈ ପାରୁ ନାହାନ୍ତି । ଅଧିକାରୀ ଏବଂ ଠିକା ସଂସ୍ଥା ଙ୍କ ମଧୁ ଚନ୍ଦ୍ରିକା ଯୋଗୁ ପ୍ରକଳ୍ପ ସବୁ ନିମ୍ନ ମାନ ର ହେଉଥିବା ବେଳେ ଲୋକେ ପାଣି ଟୋପାଏ ପାଇଁ ଡହଳ ବିକଳ ହୋଇ ହଇରାଣ ହେବା ହିଁ ସାର ହେଉଛି । ଏଭଳି ଅଭିଯୋଗ ନେଇ ଆଜି ଡୁମର ଗୁଡା ବାସୀ ଧର୍ମଗଡ ଉପ ଜିଲ୍ଲାପାଳ ଙ୍କ ଦ୍ବାରସ୍ଥ ହୋଇଛନ୍ତି ।
ପ୍ରାପ୍ତ ଅଭିଯୋଗ ଅନୁଯାୟୀ ଧର୍ମଗଡ ବ୍ଲକ ଡୁମେରଗୁଡା ପଞ୍ଚାୟତ ର କନ୍ଦାମାଳ, ଜାମ ପଡ଼ା ଦୁଇଟି ଗ୍ରାମ ପ୍ରାୟ ଦୁଇ ହଜାର ଲୋକ ବସ ବାସ କରନ୍ତି । ଫ୍ଲୋରାଇଡ୍ ଯୁକ୍ତ ପାଣି ପିଇ ଗତ ସାତ ବର୍ଷ ମଧ୍ୟରେ ପ୍ରାୟ ଶହେ ଜଣ ଲୋକ ପ୍ରାଣ ହରାଇଲେଣି । ପାନୀୟ ଜଳ ପାଈ ବାରମ୍ବାର ଅଭିଯୋଗ ହେବା ପରେ ନିକଟସ୍ତ ତେଲନଦୀ ରୁ ଜଳ ଯୋଗାଣ ପାଇଁ ଏଠାରେ ଏକ ଓଭର ହେଡ୍ ଟ୍ୟାଙ୍କ ନିର୍ମାଣ କରାଯାଇ ଜଳ ଯୋଗାଣ ଆରମ୍ଭ ହୋଇ ଥିଲା । ପ୍ରାୟ ଅଢେ଼ଇ କୋଟି ଟଙ୍କା ବ୍ୟୟ ବରାଦ ହୋଈ ଏହାର ନିର୍ମାଣ ହୋଇଥଲା । ତେବେ ନିର୍ମାଣ ସରି ଚାରି ବର୍ଷ ଅତିବାହିତ ହୋଇ ଥିଲେ ହେଁ ଓଭର ହେଡ଼ ଟ୍ୟାଙ୍କ ରୁ ପାଣି ଯୋଗାଣ ନ ହୋଇ ସିଧାସଳଖ ନଦୀ ରୁ ପମ୍ପ ଯୋଗେ ପାଣି ଯୋଗାଣ ହେଉଛି ତାହା ମନ ଇଛା କେଉ ଦିନ ଆସୁଛି କେଊ ଦିନ ନାହିଁ । ଫଳ ରେ ଠିକ ଭାବେ ଗାଁ କୁ ପାଣି ପହଞ୍ଚି ପାରୁନାହଁ । କୁହାଯାଉଛି ଯେ ଓଭର ହେଡ ଟ୍ୟାଙ୍କ ନିମ୍ନ ମାନର ହେଇଥିବାରୁ ପାଣି ଲୋଡ ହେଲେ ଏହା ଲିକେଜ ହେବା ସହ ଭାଙ୍ଗି ଯିବା ସମ୍ଭାବନା ଅଛି ବୋଲି ସରପଞ୍ଚ ପ୍ରତିନିଧି ଚିତ୍ତ ରଂଜନ ବେହେରା ପ୍ରକାଶ କରିଛନ୍ତି । ଏ ସମ୍ପର୍କ ରେ ଗ୍ରାମ୍ୟ ଜଳ ଯୋଗାଣ ବିଭାଗ ର ଅଧିକାରୀ ଙ୍କୁ ଅଭିଯୋଗ କଲେ ମଧ୍ୟ ସେ ଶୁଣୁ ନାହାନ୍ତି ବୋଲି ଗ୍ରାମବାସୀମାନେ ଅଭିଯୋଗ କରିଛନ୍ତି । ଉପ ଜିଲ୍ଲାପାଳ ଏଥି ପ୍ରତି ଦୃଷ୍ଟି ଦେଇ ଜଳ ଯୋଗାଣ କୁ ବ୍ୟବସ୍ଥିତ କରିବା ପାଇଁ ପ୍ରକଳ୍ପ ପରିଚାଳନା ଦାୟିତ୍ଵ ପଞ୍ଚାୟତ କୁ ହସ୍ତାନ୍ତର କରିବା କୁ ଦାବୀ ହୋଇଛି ।
ଧର୍ମଗଡ଼ ରୁ ବୈଦ୍ୟ ନାଥ ବେହେରା ଙ୍କ ରିପୋର୍ଟ।
