ମନ୍ଦାର

କେତେ ଭାଗ୍ୟବାନ ମନ୍ଦାରଫୁଲତୁ

        ଆମ ଟିକି ଉପବନେ

ପବନ ଦୋଳିରେ ହେଉଦୋଳାୟିତ    

        ଆହାକି ଆନନ୍ଦ ମନେ |1|

 

ତୋତେଦିଖିମନ ନାଚିଉଠେ ମୋର

       ସ୍ବର୍ଗୀୟ ଆନନ୍ଦେ ଆଜି

କେତେ ସୁନ୍ଦରତୁ ଜଗତ ମଧ୍ୟରେ

        ନାଲିଧଳା ରଙ୍ଗେସାଜି |2|

 

କାହିଁନାଲି କାହିଁ ଧବଳରଙ୍ଗରେ

       ଟିକି ପାଖୁଡ଼ାରେଖେଳୁ

ଜଗତରେ ତୁହି ଅପୂର୍ବ ସୁନ୍ଦର

        ପ୍ରଭୁଙ୍କ ସର୍ଜନା ବେଳୁ |¡3|

 

କିସୁନ୍ଦର ଆହା ମନ୍ଦରରେ ତୁହି

      ହରିନେଉ ଜନମନ

ଯେତେଦେବଦେବୀ ମନ୍ଦିରେ ପୂଜିତା

       କରୁଗଳା ବିମଣ୍ଡନ |4|

 

ଯେଉଁଠାରେଫୁଟୁତହିଁକେତେକେତେ

       ମଧୁକର ଅଳିଆଳି

ସୁମଧୁର ସ୍ୱରେ ଗୁଞ୍ଜରନ୍ତି ନିତି

       ଡେଣାରେପକାନ୍ତି ତାଳି |5|

 

ଜଗତର ତୁହି ଅତିପ୍ରିୟ ଅଟୁ

    ରୂପେବାସେ ମଧୁଗନ୍ଧେ

 ତୋତେଦେଖିଜନେ ସଦାଉଲ୍ଲସିତ

     ନାଚନ୍ତି ଚପଳ ଛନ୍ଦେ |6|

 

ତୋ’ପରାଗରେଣୁ ଆଶେ ଦଳଦଳ

        ଛୋଟଛୋଟ ପକ୍ଷୀମାନେ

ନିତି ବିହରନ୍ତି ମନ୍ଦାର ଉଦ୍ୟାନେ

        ପ୍ରେମଲାଗି ସ୍ୱାଭିମାନେ |7|

 

ମନ୍ଦାରଲୋ ତୁହି ଜନମିଲା ଦିନୁ

      ଫୁଟୁଅଛୁ ବାରମାସ

ଶୂନ୍ୟନୁହଁ କେବେ ପାରିଜାତ ବନେ 

      ନିତିହେଉ ପରକାଶ |8|

 

ଜଗତରେଯହିଁ ଦେବୀଙ୍କ ମନ୍ଦିର

       ଶକ୍ତି ପୀଠ ଅଛିଯହିଁ

ତହିଁ ପୂଜାପାଉ ଦେବୀଙ୍କ ଗଳାରେ

    ଶକ୍ତି ରୂପେ ରହିତହିଁ |9|

 

ଘଟଗାଁ ବାସିନୀ ତାରିଣୀଗଳାରେ

        ପ୍ରତିଦିନ ପୂଜାପାଉ

ତୋତେଛାଡିଦେଲେଅପୂଜା ଜନନୀ

       ତେଣୁ ବଢେତୋର ଭାଉ |10|

 

ତେଣୁତାରିଣୀ ମା ବୋଲାଏ ମାନବେ

        ମନ୍ଦାର ମାଳିନି ବୋଲି

ତୋହଫୁଲମାଳେ ସୁନ୍ଦର ଦିଶନ୍ତି

       ତାରନ୍ତି ଅନ୍ତର ଖୋଲି |11|

 

ନାଲି ସିନ୍ଦୁରରେ ନାଲିମନ୍ଦାରରେ

       ଅପରୂପା ତାରିଣୀ ମା

ମନ୍ଦାରେ ଶୋଭିତା ନରପ୍ରାଣ ତ୍ରାତା

       ନମଃନମଃ ତାରିଣୀ ମା |12|

 

ଶ୍ରୀ ବିଦ୍ୟାଧର ମହାନ୍ତ, ତମ୍ବାହରା

ହରି ଚନ୍ଦନ ପୁର, କେନ୍ଦୁଝର