କୋଷାଗୁମୁଡା,୦୫।୦୮ ନବରଙ୍ଗପୁର ଜିଲ୍ଲା କୋଷାଗୁମୁଡ଼ା ବ୍ଲକ ଉକିଆପାଲି ପଞ୍ଚାୟତର ନୂଆଗୁଡା ଗ୍ରାମରେ ବିଷାକ୍ତ ସାପ କାମୁଡାରେ ଜଣେ ଯୁବକଙ୍କ ମୃତ୍ୟୁ ଘଟିଥିବା ସୂଚନା ମିଳିଛି । ମୃତକ ଜଣକ ହେଲେ ପୀତମ ବିନ୍ଧାଣି(୪୦) । ମିଳିଥିବା ସୂଚନା ଅନୁଯାଇ ପୀତମ ଗତକାଲି ରାତିରେ ଘରେ ଶୋଇଥିବା ସମୟରେ ରାତି ପ୍ରାୟ ୧୨ଟା ସମୟରେ ସାପ କାମୁଡିଥିଲା । ଏହାପରେ ପୀତମକୁ ସଙ୍ଗେ ସଙ୍ଗେ ପରିବାର ଲୋକେ କୋଟପାଡ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଚିକିତ୍ସା ପାଇଁ ନେଇଥିଲେ । ଚିକିତ୍ସାଧୀନ ଅବସ୍ଥାରେ ଆଜି ସକାଳେ ପୀତମଙ୍କ ମୃତ୍ୟୁ ଘଟିଥିଲା । ଏନେଇ କୋଷାଗୁମୁଡା ଥାନାରେ ଏକ ଅପମୃତ୍ୟୁ ମାମଲାରୁଜୁ କରାଯାଇ ଥିଲା କୋଟପାଡ ଗୋଷ୍ଟୀ ସ୍ୟାସ୍ଥ୍ୟ କେନ୍ଦ୍ର ରେ ମୃତ୍ୟୁବରଣ କରିଥିବା ଯୋଗୁଁ ସେହି ସ୍ୟାସ୍ଥ୍ୟ କେନ୍ଦ୍ର ରେ ଶବବ୍ୟବଚ୍ଛେଦ କରାଯାଇ ପରିବାରବର୍ଗଙ୍କୁ ହସ୍ତାନ୍ତର କରାଯାଇଥିଲା । ମୃତ ପୀତମ ଗରିବ ଶ୍ରେଣୀର ହୋଇଥିବା ହେତୁ ସରକାରୀ ସହାୟତା ଯୋଗାଇ ଦେବା ପାଇଁ ଗ୍ରାମବାସୀ ଦାବି କରିଛନ୍ତି ।
କୋଷାଗୁମୁଡା ରୁ ମହେନ୍ଦ୍ର ବିଶୋଇ ଙ୍କ ରିପୋର୍ଟ