ବିଷ ପଈ ବ୍ୟକ୍ତି ଙ୍କ ଆତ୍ମହତ୍ୟା
ଡାବୁଗାଁ, ୧୪/୪ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ଥାନା ଅଧୀନ ବିଜାପୁର- ଡ଼ଙ୍ଗରିଗୁଡା ଗ୍ରାମର ଜଣେ ବ୍ୟକ୍ତି ବିଷ ପଈ ଆତ୍ମହତ୍ୟା କରିଥିବା ନେଇ ମଙ୍ଗଳବାର ଅପରାହ୍ନରେ ଡାବୁଗାଁ ଥାନାରେ ଅଭିଯୋଗ ହୋଇଛି | ସୂଚନାଯୋଗ୍ୟ:- ଡାବୁଗାଁ ଥାନା ଅଧୀନ ବିଜାପୁର- ଡ଼ଙ୍ଗରିଗୁଡା ଗ୍ରାମର କମଳଲୋଚନ ନାୟକ (୫୫) ଙ୍କ କିଛି ଦିନ ହେଲା ମାନସିକ ବିକୃତି ହୋଇଥିଲା | ଯାହା ଫଳରେ କମଳଲୋଚନ ଗାଁରେ ବିଭିନ୍ନ ଆଡେ ବୁଲାବୁଲି କରୁଥିଲେ | ୧୩ ତାରିଖ ଦିନ ପୂର୍ବାହ୍ନ ପ୍ରାୟ ୧୧ ଘ. ସମୟ ହେବ କମଳଲୋଚନ ନିଜ ଚାଷ ଜମି ଆଡକୁ ବୁଲିବାକୁ ଯାଇ ସେଠାରେ ଥିବା କୀଟନାଶକ ଔଷଧ ପିଇ ଦେଇଥିଲେ | ବିଷ ପଈବା ପରେ କମଳଲୋଚନ ସେହି ସ୍ଥାନରେ ପଡି ଯାଇ ପାଟିକରି ଥିଲେ | ଜମିରେ କାମ କରୁଥିବା ଲୋକ ମାନେ ତାଙ୍କୁ ଉଦ୍ଧାର କରି ଗ୍ରାମକୁ ଆଣିଥିଲେ | ସଙ୍ଗେ ସଙ୍ଗେ କମଳଲୋଚନ ଙ୍କୁ ଉମରକୋଟ ଉପଖଣ୍ଡ ଚିକତ୍ସାଳୟରେ ଭର୍ତ୍ତି କରିଥିଲେ | ସେଠାରେ ଚିକିତ୍ସିତ ହେଉଥିବା ବେଳେ ମଙ୍ଗଳବାର ସକାଳ ୧୦ ଘ. ସମୟରେ ଡାକ୍ତର କମଳଲୋଚନଙ୍କୁ ମୃତ୍ୟୁ ଘୋଷଣା କରିଥିଲେ | ଏନେଇ ମୃତକର ପୁତୁରା ଆଜି ଅପରାହ୍ନ ୧ ଘ. ସମୟରେ ଡାବୁଗାଁ ଥାନାରେ ଏତଲା ଦେଇଥିଲେ | ଉକ୍ତ ଏତଲା କୁ ଭିତ୍ତି କରି ଥାନା ସବଇନିସ୍ପେକ୍ଟର ଚନ୍ଦନ ସାହୁ ଡାକ୍ତରଖାନାରେ ପହଞ୍ଚି ଶବ ଜବତ କରିବା ପରେ ପଞ୍ଚନାମା କରି ବ୍ୟବଚ୍ଛେଦ ପାଇଁ ପଠାଇଥିଲେ | ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି | ଏନେଇ ଥାନା କେସ ନଂ ୭/୨୬ ରେ ଏକ ଅପମୃତ୍ୟୁ ମାମଲା ରୁଜୁ କରାଯାଇଛି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
