ଖରସୁଆଁର ଷଢେଇକଳାରେ ବିଶ୍ୱ ପ୍ରତିମୂର୍ତି ଦିବସ ପାଳିତ ବରପୁତ୍ରଙ୍କ ପ୍ରତିମୂର୍ତି ସଫେଇ ସହ ଶ୍ରଦ୍ଧାଞ୍ଜଳି ଓ ସ୍ମୃତିଚାରଣ
ରାଇରଙ୍ଗପୁର ବ୍ଲକ , ପଡୋଶୀ ଝାଡଖଣ୍ଡ ରାଜ୍ୟର ଓଡ଼ିଆ ଭାଷାଭାଷୀ ଅଧ୍ୟୁଷିତ ଖରସୁଆଁ ଜିଲ୍ଲାର ଷଢେଇକଳାଠାରେ ଏପ୍ରିଲ ୨୧ ତାରିଖରେ ବିଶ୍ୱ ପ୍ରତିମୂର୍ତି ଦିବସ ଉତ୍ସାହର ସହ ପାଳନ କରାଯାଇଛି।
‘ବନ୍ଦେ ବରପୁତ୍ରମ’ ଆହ୍ୱାନକୁ ନେଇ ସ୍ଥାନୀୟ ସଚେତନ ନାଗରିକ ଓ ସଂଗଠନ ପକ୍ଷରୁ ଉତ୍କଳ ମଣି ଗୋପବନ୍ଧୁଙ୍କ ସମେତ ବରପୁତ୍ରମାନଙ୍କ ପ୍ରତିମୂର୍ତି ସଫେଇ କରାଯାଇ ପୁଷ୍ପମାଲ୍ୟ ଅର୍ପଣ ସହ ଶ୍ରଦ୍ଧାଞ୍ଜଳି ଜ୍ଞାପନ ଓ ସ୍ମୃତିଚାରଣ କରାଯାଇଥିଲା।
ଏହି କାର୍ଯ୍ୟକ୍ରମରେ ନନ୍ଦୁ କୁମାର ପାଣ୍ଡେୟ, ବାବଲୁ କୁମାର ମୋଦକ, ବିପ୍ଳବ କୁମାର ପାଣି, ମନୋରଞ୍ଜନ ମିଶ୍ର ଏବଂ କାର୍ତିକ କୁମାର ରାଉତ* ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନା କରିଥିଲେ।
ବକ୍ତାମାନେ କହିଥିଲେ ଯେ, “ଆଜି ସଫା, କାଲି ସୁରକ୍ଷିତ” ପ୍ରତିମୂର୍ତି ସଫେଇ ମାଧ୍ୟମରେ ଆମେ କେବଳ ପଥରକୁ ସଫା କରୁନାହୁଁ, ବରଂ ଆମ ଇତିହାସ, ସଂସ୍କୃତି ଓ ମହାପୁରୁଷମାନଙ୍କ ତ୍ୟାଗକୁ ଆଗାମୀ ପିଢି ପାଇଁ ଜୀବନ୍ତ ରଖୁଛୁ।୨୦୧୭ରୁ ମୟୂରଭଞ୍ଜରୁ ଆରମ୍ଭ ହୋଇଥିବା ଏହି ଅଭିଯାନ ଏବେ ଝାଡ଼ଖଣ୍ଡର ବିଭିନ୍ନ ସ୍ଥାନରେ ପାଳନ ହେଉଥିବାରୁ ଉପସ୍ଥିତ ବୁଦ୍ଧିଜୀବୀମାନେ ସନ୍ତୋଷ ପ୍ରକାଶ କରିଥିଲେ।
ରାଇରଙ୍ଗପୁର ରୁ ଅକ୍ଷୟ ବିଶ୍ବାଳ
