ଆଜିର ଦିବସର ଅନୁଚିନ୍ତା: ଏପ୍ରିଲ୍ ୨୭ ତାରିଖ : ଜ୍ଞାନ,ସୃଜନ ଓ ସଚେତନତାର ଅନ୍ତର୍ନିହିତ ବିକାଶ
ଡ଼ା. ଦେବୀ ପ୍ରସାଦ ମିଶ୍ର,
ସମୟର ସ୍ରୋତରେ ପ୍ରତିଟି ଦିନ ଇତିହାସର ଏକ ନୂତନ ପୃଷ୍ଠା।ସମୟର ଅବିରତ ପ୍ରବାହରେ ପ୍ରତ୍ୟେକ ଦିନ ଇତିହାସର କପାଳରେ ଏକ ନୂତନ ରେଖା ଆଙ୍କିଯାଏ।ଆଜି ଏପ୍ରିଲ୍ ୨୭ ତାରିଖ,ସେହିପରି ଏକ ସ୍ମୃତିବାହୀ ଦିନ,ଯେଉଁଥିରେ ଅନେକ ଅନୁଭୂତି, ଗୌରବ ଓ ଶିକ୍ଷାର ସମନ୍ୱୟ ଦେଖିବାକୁ ମିଳେ। ବିଶ୍ୱ,ଭାରତ ଓ ଆମ ଓଡ଼ିଶା ପାଇଁ ଏହି ଦିନଟି ଅନେକ ସ୍ମୃତି ଓ ଗୌରବର ସମାହାର।
ଆନ୍ତର୍ଜାତୀୟ କ୍ଷେତ୍ରରେ ଆଜି ସାରା ବିଶ୍ୱରେ ‘ବିଶ୍ୱ ଡିଜାଇନ ଦିବସ’ ପାଳିତ ହେଉଛି ଯାହାକି ଆମକୁ ସୃଜନଶୀଳତାର ମୂଲ୍ୟ ସ୍ମରଣ କରାଏ।ମାନବ ଜୀବନରେ ନବସୃଜନ ଓ ପରିବର୍ତ୍ତନ କ୍ଷେତ୍ରରେ ଡିଜାଇନର ଭୂମିକା ଅନନ୍ୟ।ଏଥିସହିତ ସାଉଥ୍ ଆଫ୍ରିକାରେ ଆଜି ‘ସ୍ଵାଧୀନତା ଦିବସ’ ମଧ୍ୟ ପାଳିତ ହେଉଛି।
ଭାରତ କ୍ଷେତ୍ରରେ ଇତିହାସର ପୃଷ୍ଠା ଓଲଟାଇଲେ ଦେଖାଯାଏ,୧୬୦୬ ମସିହାରେ ମୋଗଲ ସମ୍ରାଟ ଜାହାଙ୍ଗୀରଙ୍କ ଦ୍ଵାରା ଖୁସ୍ରୋ ଗିରଫ ହୋଇଥିଲେ। ବିଜ୍ଞାନ ଜଗତରେ ଆଜିର ଦିନଟି ଗୁରୁତ୍ଵପୂର୍ଣ୍ଣ,କାରଣ ୧୮୫୪ ମସିହାରେ ଭାରତର ବମ୍ବେ ଓ ପୁଣେ ମଧ୍ୟରେ ପ୍ରଥମ ଟେଲିଗ୍ରାମ ସେବା ଆରମ୍ଭ ହୋଇଥିଲା।ବିଜ୍ଞାନ ଓ ପ୍ରଗତିର ପଥରେ ଟେଲିଗ୍ରାଫ ସେବାର ଆରମ୍ଭ ସେପରି ଏକ ନୂତନ ଯୁଗର ସୂଚନା ଦେଇଥିଲା।
ଓଡ଼ିଶା ପରିପ୍ରେକ୍ଷୀରେ ଆଜିର ଦିନଟି ଓଡ଼ିଆ ସାହିତ୍ୟ ଜଗତ ପାଇଁ ଏକ ଶୋକାକୁଳ ସ୍ମୃତି ବହନ କରେ।୨୦୨୧ ମସିହା ଆଜିର ଦିନରେ ଆମକୁ ପରପାରିରୁ ବିଦାୟ ଦେଇଥିଲେ ବିଶ୍ଵବନ୍ଦିତ କଥାକାର ମନୋଜ ଦାସ।ତାଙ୍କର କାଳଜୟୀ ସୃଜନଶୈଳୀ ଓ ଆଧ୍ୟାତ୍ମିକ ଚିନ୍ତାଧାରା ଓଡ଼ିଆ ସାରସ୍ୱତ ଜଗତକୁ ସମୃଦ୍ଧ କରିଛି।ତାଙ୍କ ଶ୍ରାଦ୍ଧ ଦିବସରେ ଆଜି ସାରା ଓଡ଼ିଶା ତାଙ୍କୁ ଭକ୍ତିପୂତ ଶ୍ରଦ୍ଧାଞ୍ଜଳି ଅର୍ପଣ କରୁଛି।
ଓଡ଼ିଶା ପରିପ୍ରେକ୍ଷୀରେ ଆଜିର ଦିନ ଆମକୁ ଗଭୀର ଭାବନାରେ ବିମୋହିତ କରେ,କାରଣ ଏହି ଦିନରେ ଆମେ ହରାଇଥିଲୁ ଓଡ଼ିଆ ସାହିତ୍ୟର ଏକ ଦୀପ୍ତିମାନ ନକ୍ଷତ୍ର ମନୋଜ ଦାସଙ୍କୁ।ତାଙ୍କ ସୃଜନ ମାତ୍ର କଥା ନୁହେଁ,ଏକ ଆଧ୍ୟାତ୍ମିକ ଅନୁଭୂତି,ଯାହା ମାନବ ମନକୁ ଉଚ୍ଚତର ଚେତନାର ଦିଗରେ ନେଇଯାଏ।ସେହିପରି ଏହି ଦିନଟି ଖୋର୍ଦ୍ଧା ଅଞ୍ଚଳର ବରିଷ୍ଠ ଜନନେତା ତଥା ସାହିତ୍ୟପ୍ରେମୀ କବି ପ୍ରସନ୍ନ କୁମାର ପାଟ୍ଟଶାଣୀଙ୍କ ଜନ୍ମଦିନ ସ୍ମୃତି ମଧ୍ୟ ସ୍ମରଣ କରାଏ।ସାମ୍ପ୍ରତିକ ସମୟରେ ଓଡ଼ିଶାରେ ପ୍ରବଳ ଗ୍ରୀଷ୍ମ ପ୍ରବାହ ଯୋଗୁଁ ଆଜିଠାରୁ ସମସ୍ତ ବିଦ୍ୟାଳୟରେ ଖରାଛୁଟି ଘୋଷଣା କରାଯାଇଛି, ଯାହା ଶିକ୍ଷାର୍ଥୀଙ୍କ ସୁରକ୍ଷା ପାଇଁ ଏକ ବଡ଼ ପଦକ୍ଷେପ।ଆଜିର ସମୟରେ ପ୍ରକୃତିର ପ୍ରକୋପ ତୀବ୍ର ଗ୍ରୀଷ୍ମ ପ୍ରବାହ ଆମକୁ ସତର୍କ କରୁଛି ଯେ ପରିବେଶ ସହିତ ସମନ୍ୱୟ ରକ୍ଷା କରିବା ଆମର ଦାୟିତ୍ୱ।ଇତିହାସର ପୃଷ୍ଠା ଓଲଟାଇଲେ ଏହି ଦିନରେ ଘଟିଥିବା କିଛି ଘଟଣା ଆମକୁ ଶକ୍ତି ଓ ସତର୍କତାର ପାଠ ପଢ଼ାଏ।ଏହି ସମସ୍ତ ଘଟଣା ଓ ସ୍ମୃତି ଆମକୁ ଅନେକ କଥା କୁହେ ଯେପରି ଜୀବନ କେବଳ ଗତି ନୁହେଁ,ଏହା ଅନୁଭବ ଓ ଆତ୍ମବିକାଶର ଏକ ଅବିରତ ଯାତ୍ରା।ସମୟ ଆମକୁ ଶିଖାଏ ଯେ ଘଟଣାବଳୀ କେବଳ ତାରିଖ ନୁହେଁ,ବରଂ ଅଭିଜ୍ଞତାର ଏକ ପୁଞ୍ଜି।ଆଜି ମନୋଜ ଦାସଙ୍କ ଭଳି ମହାପୁରୁଷଙ୍କ ଆଦର୍ଶରେ ଅନୁପ୍ରାଣିତ ହୋଇ ଜ୍ଞାନ ଓ ସୃଜନଶୀଳତାର ପଥରେ ଆଗେଇବା ହିଁ ଶ୍ରେଷ୍ଠ ଚିନ୍ତାଧାରା।ତେଣୁ,ଆମେ ସମସ୍ତେ ଏହି ଦିନକୁ ଜ୍ଞାନ,ସୃଜନ ଓ ସଚେତନତାର ଦିଗରେ ଏକ ନୂତନ ପଦକ୍ଷେପ ଭାବେ ଗ୍ରହଣ କରିବା ଉଚିତ।
ଡ଼ା. ଦେବୀ ପ୍ରସାଦ ମିଶ୍ର,
✉️ debisirscience@gmail.com
/ debiprasadmishra085@gmail.com
