ସ୍ଵତନ୍ତ୍ର ସଘନ ସଂଶୋଧନ ଉପରେ ବୁଥ ସ୍ତରୀୟ ଅଧିକାରୀ ମାନଙ୍କୁ ତାଲିମ
ଡାବୁଗାଁ,୨୫/୫ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ସମ୍ମିଳନୀ କକ୍ଷ ଠାରେ ସ୍ଵତନ୍ତ୍ର ସଘନ ସଂଶୋଧନ ଉପରେ ବୁଥ ସ୍ତରୀୟ ଅଧିକାରୀ ମାନଙ୍କୁ ନେଇ ଏକ ତାଲିମ ଶିବିର ସୋମବାର ଅନୁଷ୍ଠିତ ହୋଇଥିଲା | ଏଥିରେ ବୁଥ ସ୍ତରୀୟ ଅଧିକାରୀ ମାନେ ଘରକୁ ଘର ବୁଲି ପରିଗଣନା ଫର୍ମ ବାଣ୍ଟିବା ଏବଂ ପୁରଣ କରିବା ବିଷୟରେ ବୁଝିଥିଲେ | ୨୦୦୨ ମସିହାରେ ଥିବା ଭୋଟର ଓ ୨୦୨୫ ରେ ଥିବା ଭୋଟର ମାନଙ୍କ ମେପିଙ୍ଗ, ଅନମେପିଙ୍ଗ ଓ ଲଜିକାଲ ଏଭଳି ୩ ଟି ଶ୍ରେଣୀରେ ବିଭକ୍ତ ଥିବା ଭୋଟର ମାନଙ୍କୁ ସ୍ଵତନ୍ତ୍ର ସଘନ ସଂଶୋଧନ -୨୦୨୬ ନିୟମ ପ୍ରକାରେ ପରିଗଣନା ଫର୍ମ ପୁରଣ କରିବା ଉପରେ ତାଲିମ ଦିଆଯାଇଥିଲା | ଏଥିରେ ପ୍ରଶିକ୍ଷକ ଭାବେ ନବରଙ୍ଗପୁର ଜିଲା ପରିଷଦ ମୁଖ୍ୟ ଉନ୍ନୟନ ଅଧିକାରୀ ବିରଞ୍ଚି ନାରାୟଣ ଦରୱାନ, ବିଡିଓ ସମୀର ପାତ୍ର, ତହସିଲଦାର ଗୀତା ମୁର୍ମୁ, ଗ୍ରାମ ପଞ୍ଚାୟତ ଉନ୍ନୟନ ଅଧିକାରୀ ପଦ୍ମନାଭ ଭାଲ୍ଲା ଓ ପ୍ରକାଶ କୁମାର ପଣ୍ଡା, ପ୍ରମୁଖ ତାଲିମ ଦେଇଥିଲେ | ଏଥିରେ ସୁପରଭାଇଜର ରତିକାନ୍ତ ନାୟକ, କୃଷ୍ଣଚନ୍ଦ୍ର ପଣ୍ଡା, ବିକାଶ ରଞ୍ଜନ ନିଶଙ୍କ, ଧନସିଂ ତନ୍ତୀ ଓ ରାଇସିଂ ପୂଜାରୀ ଙ୍କ ସମେତ ମୋଟ ୬୩ ଜଣ ବୁଥ ସ୍ତରୀୟ ଅଧିକାରୀ ମାନେ ଉପସ୍ଥିତ ଥିଲେ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
