ବିଭୂତି
ମାନଗୋବିନ୍ଦ ସ୍ବାଇଁ
ବିଭୂତି ଆଣିଛି ଠାକୁର ପାଖରୁ
ନିତି ପିନ୍ଧି ଏ ଚନ୍ଦନ
ଶୁଦ୍ଧ ମନ୍ତ୍ର ପାଠ ସଦା କରୁଅଛି
ବିଭୂତି ମୋ ଭଗବାନ।
ବିଭୂତି ଲଗାଇ ଗମନ କରିଲେ
ପବିତ୍ର ହୁଏ ଜୀବନ
କାର୍ଯ୍ୟ ସିଦ୍ଧି ହୁଏ କାମ ଫଳ ପ୍ରାପ୍ତି
ସନ୍ତୋଷ ରହୁଛି ମନ।
ବିଭୂତି ର ବଳ କରଇ ସଫଳ
ପଥ ମୋର ଅଗ୍ରଗତି
ଦୁଃଖ ବିନାଶନ ସୁଖକୁ ଆସନ
ଗଢ଼ା ସମାଜ ସଂସ୍କୃତି।
ବିଭୂତି ମଥାରେ ଶିବଙ୍କ ମହିମା
କରୁଣା ମିଳେ ଅପାର
ତାଙ୍କ ଶକ୍ତି କଥା ଜାଣନ୍ତି ସରବେ
ଭୋଳା ଯେ ଭକ୍ତି ଈଶ୍ୱର।
ବିଭୂତି ଯେ ନିତି ସୁରକ୍ଷା ଦେବତା
ଆମ ପାଇଁ ମୂଲ୍ୟ ବାନ
ବିଭୂତି ପିନ୍ଧିଲେ ଧ୍ୟାନରେ ବସିଲେ
ଅମୃତ ଝରଇ ଜ୍ଞାନ।
ଗୋଜାବନ୍ଧ ମହାକାଳପଡ଼ା
କେନ୍ଦ୍ରାପଡ଼ା
