ସକାଳ ପ୍ରାର୍ଥନା
କାଳିଆରେ
ଆଜି ପ୍ରାର୍ଥନା କରୁଛି ମୁଁ ତୋ ପାଖରେ
ଯିଏ ଦୁଃଖ ଭରି ଦେଇଛି ମୋ ମନରେ
ତୁ ତାକୁ ରଖିଥାଆ ବହୁତ୍ ସୁଖରେ ।
ଯିଏ ଭରିଛି ମୋ ଆଖି ପୁରା ଲୁହରେ
ଦେଇ ଦେ ପ୍ରଭୁ ହସ ସଦା ତା ଓଠରେ ।
ଯିଏ ମୁଁହକୁ ବୁଲାଏ ମୋତେ ଘୃଣାରେ
ବସା ତାକୁ ଖୁସିର ପାହାଡ ଉପରେ।
ଯିଏ ମୋ ମରଣ ଚାହୁଛି ଅନ୍ତରରେ
ତାକୁ ଏଠି ଶତାୟୁ କର ତୋ କୃପାରେ ।
ନିଜ ସ୍ୱାର୍ଥର ରକ୍ତ ବହେ ଯା ଦେହରେ
ବିଶ୍ୱାସ ଟିକେ ଭରିଦେ ତା ସମ୍ପର୍କରେ ।
ଢାଳି ଦେ ତୋ ଆଶିଷ ସଭିଙ୍କ ଉପରେ
ଆଜି ଦିନଟି କଟୁ ହସ ଆଉ ଖୁସିରେ ।।
ସସ୍ମିତେଶ ସାହୁ
ଶଙ୍ଖଚିଲା,ଯାଜପୁର