ଜିଲ୍ଲା ଆଶା ମ୍ୟାନଜରକୁ ବିଦାୟ, ନୂତନ କୁ ସ୍ୱାଗତ କାର୍ଯ୍ୟକ୍ରମ
ବ୍ରହ୍ମପୁର :-୨୪/୦୬ ଜାତୀୟ ସ୍ୱାସ୍ଥ୍ୟ ମିଶନ ଗଞ୍ଜାମ ଜିଲ୍ଲା ର କାର୍ଯ୍ୟରତ ଆଶା ଓ ଗାଁ କଲ୍ୟାଣ ସମିତି ର ସହ ପରିଚାଳକ ଏବଂ ସହ ପରିଚାଳକ କ୍ୱାଲିଟି, କୁ ବିଦାୟକାଳୀନ ସମ୍ବର୍ଦ୍ଧନା ଦେବା ସହ ନୂତନ ଆଶା ମ୍ୟାନେଜରଙ୍କୁ ସ୍ୱାଗତ କାର୍ଯ୍ୟକ୍ରମ ଜିଲ୍ଲା ମୁଖ୍ୟ ଚିକିତ୍ସାଳୟ ସଭା ଗୃହରେ ଅନୁଷ୍ଠିତ କରାଯାଇଥିଲା l ଗଞ୍ଜାମ ଜିଲ୍ଲା ସ୍ବେଛାସେବୀ ତାଲିମଦାତା ପ୍ରଦାନକାରୀ ସଙ୍ଘ ପକ୍ଷରୁ ଆୟୋଜିତ ଏହି କାର୍ଯ୍ୟକ୍ରମ ରେ ସିଡିଏମ ଡାକ୍ତର ଭବାନୀ ଶଙ୍କର ମିଶ୍ର,ଜିଲ୍ଲା ପ୍ରକଳ୍ପ ପରିଚାଳକ ବୁଲୁନାଥ ସାହୁ,ପୁରାତନ ଆଶା ଓ ଗାଁ କଲ୍ୟାଣ ସମିତି ର ସହ ପରିଚାଳକ ଆଶିଷ କୁମାର ମିଶ୍ର, ସହ ପରିଚାଳକ କ୍ୱାଲିଟି ସଞ୍ଜୟ କୁମାର ପରିଡା, ନୂତନ ଆଶା ମ୍ୟାନଜେର ଅଶୋକ କୁମାର ସାହୁ ପ୍ରମୁଖ ଉପସ୍ଥିତ ଥିଲେ l ଗଞ୍ଜାମ ଜିଲ୍ଲା ର ଅନେକ ବ୍ଲକ, ସହରାଞ୍ଚଳ ର ଆଶା କର୍ମୀ ମାନେ ଯୋଗ ଦେଇଥିଲେ l ଗଞ୍ଜାମ ଜିଲ୍ଲା ରେ ଏହି ଦୁଇ ଅଧିକାରୀ କୋଭିଡ ମହାମାରୀ ଏବଂ ଦୀର୍ଘ ୦୯ ବର୍ଷ ସମୟ ମଧ୍ୟରେ ସ୍ୱାସ୍ଥ୍ୟ କ୍ଷେତ୍ରରେ ଅନେକ କାର୍ଯ୍ୟକ୍ରମ ଗାଁ ଗାଁ ରେ ପହଂଚିବାରେ ସହଯୋଗ କରିଛନ୍ତି l ଏହି କାର୍ଯ୍ୟକ୍ରମ ରେ ଗଞ୍ଜାମ ଜିଲ୍ଲା ତାଲିମ ଦାତା ସଙ୍ଘର ସୁଜାତା ପଟନାୟକ, ହରିହର ପାଢ଼ୀ, ପ୍ରମୁଖ ଉପସ୍ଥିତ ଥିଲେ l ଶେଷରେ ଆଶା ମ୍ୟାନେଜର ଓ କ୍ୟାଲିଟି ମେନେଜରଙ୍କୁ ପୁଷ୍ପଗୁଚ୍ଛ, ଉପଢୋକନ ମାନପତ୍ର ଦେଇ ବିଦାୟକାଳିନ ସମ୍ବର୍ଦ୍ଧନା ପ୍ରଦାନ କରାଯାଇଥିଲା ବେଳେ ନୂତନ ଅଧିକାରୀଙ୍କୁ ପୁଷ୍ପଗୁଚ୍ଛ ଓ ଉତ୍ତରୀୟ ପ୍ରଦାନ କରି ସ୍ୱାଗତ କରାଯାଇଥିଲା l ଜିଲ୍ଲା ରେ ଆଶା ଦିଦି ମାନଙ୍କୁ ପ୍ରଶିକ୍ଷଣ ପ୍ରଦାନ କରି ସରକାରଙ୍କ ସ୍ୱାସ୍ଥ୍ୟ ସେବାକୁ ଘର ପାଖରେ କିଭଳି ସୁଗମ ରେ ମିଳିପାରିବ ସେ ନେଇ ଚେଷ୍ଟା କରିବାକୁ ପରାମର୍ଶ ପ୍ରଦାନ କରାଯାଇଥିଲା l
