ସଂଗ୍ରାମୀ ଅଶୋକ ଭୋଇ ଅମର ରହେ
କଣ୍ଟାବାଞ୍ଜି:ବଲାଙ୍ଗୀର ଜିଲ୍ଲା ମୁରିବାହାଲ ବ୍ଲକ ଅନ୍ତର୍ଗତ ଡ଼ଙ୍ଗରପଡା କୋକଡୁଙ୍ଗୁରି ଠାରେ ଉତ୍କଳ କନ୍ଧ ସମାଜ ବୁଡୁକା ପ୍ରଗଣା ବଙ୍ଗୋମୁଣ୍ଡା ର ଅସ୍ଥାୟୀ ସଭାପତି ଲଳିତ ଯାନୀ ଙ୍କ ଆହ୍ୱାନ କ୍ରମେ ପୂର୍ବତନ କନ୍ଧ ସମାଜ ବୁଡୁକା ପ୍ରଗଣା ର ସମ୍ପାଦକ ତଥା ଯୁବ ସାମ୍ବାଦିକ ଅଶୋକ ନାରାୟଣ ଭୋଇ ଙ୍କ ଶ୍ରଦ୍ଧାଞ୍ଜଳି ଶୋକସଭା ଅନୁଷ୍ଠିତ ହୋଇଯାଇଛି l ସର୍ବ ପ୍ରଥମେ ତାଙ୍କ ଫଟୋ ଚିତ୍ର ରେ ପୁଷ୍ପମାଲ୍ୟ ଦୀପ ପ୍ରଜ୍ୱଳନ କରି ସ୍ବର୍ଗତ ଭୋଇ ଙ୍କ ଅମର ଆତ୍ମା ର ଡ଼ୁମା ପିଦର କୋଣ ରେ ସ୍ଥାନ ପାଇବା ପ୍ରାଥନା କରାଯାଇଥିଲା l ଜଣେ ନିଷ୍କପଟ, ନିର୍ଭିକ ଦାମ୍ଭିକ ସଂଗେ ସଂଗେ ମାନବ ସମାଜ ର ଶୋଷିତ ପୀଡିତ ସ୍ୱର ହୋଇ ଆଦିବାସୀ ମାନଙ୍କର ସ୍ୱାର୍ଥ ପାଇଁ ସ୍ୱର୍ଗତ ଭୋଇ ଲଢେଇ କରୁ ଥିଲେ l ସେ ଜଣେ ପ୍ରକୃତି ପ୍ରେମୀ ସଂଗେ ସଂଗେ ସମାଜ ସଂଗଠକ ଥିଲେ ତାଙ୍କର ବିୟୋଗ ରେ ଗୋଟିଏ ଯୁଗ ର ଅବସାନ ଘଟିଲା ବୋଲି ଆଦିବାସୀ ନେତା ସୁରେଶ ଭୋଇ ଦୁଃଖ ପ୍ରକାଶ କରିଥିଲେ l ଜଣେ ଆଦିବାସୀ ସମାଜ ର ହୀରା କୁ ହରାଇଲୁ ବୋଲି ଜିଲ୍ଲା କନ୍ଧ ସମାଜ ଯୁବ ସଂଗଠନ ର ସମ୍ପାଦକ ଡିଙ୍ଗର ଭୋଇ ଶୋକ ପ୍ରକଶ କରିଥିଲେ l ଏହି ଶୋକ ସଭାରେ ଈଶ୍ୱର ଭୋଇ, ଜଗଦୀଶ ଭୋଇ,ବ୍ରଜ ଭୋଇ,କୁବେର ଭୋଇ,ମୋତି ଭୋଇ,କପିଳାସ ଭୋଇ, ହାଡିବନ୍ଧୁ ଭୋଇ,ମିନିକେତନ ପାତ୍ର, ଆର୍ତ୍ତ ତ୍ରାଣ ଭୋଇ, ବସନ୍ତ ଭୋଇ ହୀରା ମାଝୀ ପ୍ରମୁଖ ଉପସ୍ଥିତ ଥିଲେ ।
ମୀନକେତନ ନିଆଲ ଙ୍କ ରିପୋର୍ଟ୍
