ସରଧାପୁର ପଞ୍ଚାୟତ ରେ ଜନ ଶୁଣାଣି କାର୍ଯ୍ୟକ୍ରମ
ଆସିକା, ୨୯/୬/୨୬ (ଶିବ ଶଙ୍କର ମିଶ୍ର ) ଧରାକୋଟ ବ୍ଲକର ସରଧା ପୁର ପଞ୍ଚାୟତ ରେ ଆଜି ଜନ ଶୁଣାଣି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏଥିରେ ତହସିଲଦାର ଲମ୍ବୋଦର ମାରାଣ୍ଡି,ଏ ବି ଡି ଓ ଭବାନୀ ଶଙ୍କର ପ୍ରଧାନ, ସି ଡି ପି ଓ ସୁନୀଲ ପ୍ରଭା ରଥ,ସରପଞ୍ଚ ଦିଲିପ କୁମାର ଜେନା, ସମିତିସଭ୍ୟା ପୁଷ୍ପାଞ୍ଜଳି ପଣ୍ଡା, ପି ଇ ଓ ଜସୋବନ୍ତି ମିଶ୍ର, ବ୍ଲକ କୃଷି ଅଧିକାରୀ ବିଶ୍ୱନାଥ ବେହେରା, ଗ୍ରାମ୍ୟ ଜଳଯୋଗାଣ ଓ ପରିମଳ ବିଭାଗ ସହକାରୀ ଯନ୍ତ୍ରୀ ଚିନ୍ମୟୀ ରାଉତ, ଏ ବି ଇ ଓ ସୌରି ଶଙ୍କର ବେହେରା,ସି ଆର ସି ସି କିରଣବାଳା ନାୟକ, ଯୋଗାଣ ନିରୀକ୍ଷକ ବାଳକୃଷ୍ଣ ନାୟକ, ମିଶନ ଶକ୍ତି ବି ପି ସି ସୁଶାନ୍ତ ନାୟକ, ବି ଏସ ଓ ସଚିନ ପାତ୍ର, ବି ପି ସି କୃଷ୍ଣକାନ୍ତ ପଣ୍ଡା,ଏନ୍ ଆର୍ ଇ ଜି ଏ ଵିଭାଗ ର ଅମେସ ବେହେରା,ଦୀପକ ପଟ୍ଟନାୟକ ଙ୍କ ସମେତ ସମସ୍ତ ଲାଇନ ବିଭାଗ ଅଧିକାରୀ ଉପସ୍ଥିତ ରହିଥିଲେ । ଜନ ଶୁଣାଣି କାର୍ଯ୍ୟକ୍ରମ ରେ ଭତ୍ତା ପାଇଁ ନଅ ଗୋଟି, ଗାଈ ଗୁହାଳ ଘର ପାଇଁ ଦୁଇଟି, ଆବାସ ଯୋଜନା ଗୃହ ପାଇଁ ଦୁଇଟି ଓ ରାସନ କାର୍ଡ ପାଇଁ ତିନୋଟି ଅଭିଯୋଗ ଗ୍ରହଣ କରାଯାଇଥିଲା । ଜି ଆର ଏସ ସମ୍ପିରା ଗମାଙ୍ଗ, ଯୋଗାଣ ସହାୟକ ନମିତା ବେହେରା ପ୍ରମୁଖ ଏଥିରେ ସହଯୋଗ ପ୍ରଦାନ କରିଥିବା ବେଳେ ନିର୍ବାହୀ ଅଧିକାରୀ କାଳୁ ଚରଣ ସ୍ୱାଇଁ କାର୍ଯ୍ୟକ୍ରମରେ ସଂଯୋଜନା କରିଥିଲେ।
