ତିନି ଅଧ୍ୟାପକ ଙ୍କୁ ଅବସର କାଳୀନ ସମ୍ବର୍ଦ୍ଧନା
ଆସିକା,୨/୭/୨୬ (ଶିବ ଶଙ୍କର ମିଶ୍ର ) ଧରାକୋଟ ନିକଟସ୍ଥ ମୁଣ୍ଡମରାଇ ସ୍ଥିତ ସୋମନାଥ ବିଜ୍ଞାନ ଉଚ୍ଚ ମାଧ୍ୟମିକ ବିଦ୍ୟାଳୟରେ କାର୍ଯ୍ୟରତ ଗଣିତ ଅଧ୍ୟାପକ ଶ୍ରୀ କୈଳାଶ ଚନ୍ଦ୍ର ସାହୁ, ଉଦ୍ଭିଦ ବିଜ୍ଞାନ ଅଧ୍ୟାପକ ଶ୍ରୀ ଶଙ୍କର ସାହୁ ଓ ଇତିହାସ ଅଧ୍ୟାପକ ଶ୍ରୀ ରଞ୍ଜନ କୁମାର ପାଟ୍ଟଯୋଷୀଙ୍କୁ ଅବସର କାଳୀନ ସମ୍ବର୍ଦ୍ଧନା ଜ୍ଞାପନ କରାଯାଇଛି । ଏହି ଅବସରରେ ଅଧ୍ୟକ୍ଷ ଦିଗାମ୍ବର ବିଷୋୟୀଙ୍କ ପୌରହିତ୍ୟରେ ଏକ ସଭାରେ ତିନି ଜଣ ଅଧ୍ୟାପକ ଙ୍କୁ ଉପଢୌକନ,ପୁଷ୍ପଗୁଚ୍ଛ ଓ ମାନପତ୍ର ଦେଇ ସମ୍ବର୍ଦ୍ଧିତ କରାଯାଇଥିଲା।ଅଧ୍ୟାପକମାନଙ୍କର ଛାତ୍ର ବତ୍ସଳତା, ଉନ୍ନତ ପାଣ୍ଡିତ୍ୟପୂର୍ଣ୍ଣ ଶିକ୍ଷାଦାନ, ସମୟାନୁବର୍ତ୍ତୀତା,କର୍ତ୍ତବ୍ୟ ଅନୁରାଗ, ତ୍ୟାଗ, ନିଷ୍ଠା ବିଷୟରେ ଛାତ୍ର ଛାତ୍ରୀ ଓ କର୍ମଚାରୀମାନେ ସ୍ମୃତି ଚାରଣ କରିଥିଲେ । ସେମାନଙ୍କ ଅବସର ଗ୍ରହଣରଦିନ ଛାତ୍ର ଛାତ୍ରୀ ଓ କର୍ମଚାରୀଙ୍କ ମଧ୍ୟରେ ଦୁଃଖର ବାତାବରଣ ସୃଷ୍ଟି କରିଥିଲା । ସରକାରଙ୍କ ଭୁଲ ନୀତି ଯୋଗୁଁ ସେମାନେ ଦୀର୍ଘ ୩୪ ବର୍ଷ ଶିକ୍ଷାଦାନ ସେବାକରିବା ସତ୍ତ୍ବେ ବିନା ପେନସନ ରେ ରିକ୍ତ ହସ୍ତରେ ଅବସର ନେଇଛନ୍ତି । ଏହି ଅବସରରେ ସମସ୍ତଙ୍କ ସୁଖ,ନିରାମୟ ଓ ଦୀର୍ଘ ଜୀବନ କାମନା କରାଯାଇଥିଲା ।
