ଘରପଟ୍ଟା ନ ମିଳିବାରୁ ଜିଲ୍ଲାପାଳଙ୍କ ପାଖରେ ଅଭିଯୋଗ
ଢେଙ୍କାନାଳ:୧୧/୦୮ – (ମନିସ) :- ମୋଟଙ୍ଗା ଥାନା ଅନ୍ତର୍ଗତ ଖଡଗପ୍ରସାଦ ନନ୍ଦିନୀ କଲୋନୀ ଅଧିବାସୀ ଘରଡିହ ପଟ୍ଟା ପାଇନଥିବା କାରଣରୁ ଜିଲ୍ଲାପାଳ ଆଶିଷ ଇଶ୍ଵର ପାଟିଲଙ୍କୁ ଏକ ଅଭିଯୋଗ ପତ୍ର ପ୍ରଦାନ କରିଛନ୍ତି। ଉକ୍ତ କଲୋନୀ ବାସିନ୍ଦା ବସବାସ କରୁଥିବା ଜାଗାର ଘରଡିହ ପଟ୍ଟା ନଥିବାରୁ ସେମାନଙ୍କୁ ତହସିଲଦାର ସେମାନଙ୍କୁ ଜାତିଗତ ପ୍ରମାଣ ପତ୍ର ପ୍ରଦାନ କରୁନାହାନ୍ତି। ଜାତିଗତ ପ୍ରମାଣ ପତ୍ର ନଥିବାରୁ ପିଲାମାନେ ପାଠପଢାରେ ବହୁତ ଅସୁବିଧାର ସମ୍ମୁଖୀନ ହେଉଛନ୍ତି। ସେମାନେ ସମସ୍ତେ ବିପିଏଲ କାର୍ଡଧାରୀ ଅଟନ୍ତି। ପ୍ରଧାନମନ୍ତ୍ରୀ ଆବାସ ଯୋଜନାରେ ତାଲିକାଭୂକ୍ତ ଥିଲେ ମଧ୍ୟ ଘର ମିଳୁନାହିଁ। ଏଣୁ ଘରଡିହ ପଟ୍ଟା ପ୍ରଦାନ ନିମନ୍ତେ ଜିଲ୍ଲାପାଳଙ୍କୁ ଗ୍ରାମର ପ୍ରମୋଦ ବେହେରା, ସୁମିତ୍ରା ବେହେରା, ଆରତ ବେହେରା, ଜୟନ୍ତୀ ସାହୁ ଓ ବାସୁଦେବ ସାହୁ ପ୍ରମୁଖ ଅଭିଯୋଗ ଜଣାଇଛନ୍ତି।
ଶୁଭମ୍ ପାଣି ଙ୍କ ରିପୋର୍ଟ୍
