ବଣାଇ ଉପଖଣ୍ଡ! କୁଲୁକୁତା ଘାଟିରେ ଇଟା ବୋଝେଇ ଟ୍ରକ ଦୁର୍ଘଟଣାଗ୍ରସ୍ତ ; ଡ଼୍ରାଇଭର ମୃତ , ୩ ଶ୍ରମିକ ଖଣ୍ଡିଆ ଖାବରା
କୋଇଡା – ୨୮/୦୮ ବଣାଇ ଉପଖଣ୍ଡ କୁଲୁକୁତା ଘାଟିରେ ଆଜି ସକାଳେ ଏକ ପର୍ବ ବ୍ଳକ ଇଟା ବୋଝେଇ ଟ୍ରକ ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଥିବାବେଳେ ଘଟଣାସ୍ଥଳରେ ଡ୍ରାଇଭର ମୃତ ଏବଂ ୩ ଶ୍ରମିକ ଅଳ୍ପ ଆହତ ହୋଇ ଅଳ୍ପକେ ବର୍ତିଛନ୍ତି ।ସୂଚନାଯୋଗ୍ୟ ରେଙ୍ଗାଳି ଅଞ୍ଚଳରୁ ଏକ ଇଟା ବୋଝେଇ ଟ୍ରକ ବଣାଇ ଅଞ୍ଚଳର ଚାନ୍ଦିପୋଷ ଗ୍ରାମକୁ ଆସୁଥିବାବେଳେ କୁଲୁକୁତା ଘାଟିରେ ଟ୍ରକଟି ଦୁର୍ଘଟଣା ଗ୍ରସ୍ତ ହୋଇଥିଲା ।ଡ଼୍ରାଇଭର ରାସ୍ତାରେ ଛିଟିକି ପଡି ରକ୍ତ ଜୁଡୁବୁଡୁ ଅବସ୍ଥାରେ ଥିଲେ ।୩ ଶ୍ରମିକ ଆହତ ହୋଇଥିଲେ ।ଟିକାୟତପାଲି ଥାନା ଏସ ଆଇ ଦିନଵନ୍ଧୁ ପ୍ରଧାନ ସମେତ ପୋଲିସ କର୍ମଚାରୀ ଘଟଣାସ୍ଥଳରେ ପହଞ୍ଚି ମୃତକ ଏବଂ ଆହତଙ୍କୁ ବଣାଇ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିବା ସହ ଗାଡ଼ିଟି କୁ ଜବତ କରି ଏକ ମାମଲା ରୁଜୁ କରିବା ସହ ତଦନ୍ତ କରୁଛନ୍ତି ।ମୃତ ଡ଼୍ରାଇଭର ହେଲେ ସମ୍ବଲପୁର ଜିଲ୍ଲାର ରାଜକିଶୋର ଏକ୍କା ।
କୋଇଡାରୁ ଅକ୍ଷୟ ବିଶ୍ବାଳ
