ସିଙ୍ଗଝର ଉଚ୍ଚ ପ୍ରାଥମିକ ବିଦ୍ୟାଳୟରେ ଗୁରୁଦିବସ ପାଳିତ
ନୂଆପଡ଼ା ଜିଲ୍ଲା ସିନାପାଲି ବ୍ଳକ୍ ଅନ୍ତର୍ଗତ ସିଙ୍ଗଝର ଉଚ୍ଚପ୍ରାଥମିକ ବିଦ୍ୟାଳୟରେ ଗୁରୁ ପୂଜନ ତଥା ଗୁରୁଦିବସ ପାଳନ କରାଯାଇଛି । ଏହି କାର୍ଯ୍ୟକ୍ରମରେ ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀଯୁକ୍ତ ଗୌତମ ମେହେର ସଭାପତିତ୍ଵ କରିଥିବାବେଳେ ମୁଖ୍ୟଅତିଥି ଭାବରେ ପ୍ରାକ୍ତନ ପ୍ରଧାନଶିକ୍ଷକ ଶ୍ରୀଯୁକ୍ତ ଚନ୍ଦ୍ରଭାନୁ କଶ୍ୟପ ଯୋଗଦେଇଥିଲେ । ବିଦ୍ୟାଳୟର ଛାତ୍ରୀ ମାନେ ସ୍ଵାଗତ ସଙ୍ଗୀତ ଗାନ କରିଥିଲେ ଓ ସମସ୍ତ ଛାତ୍ରଛାତ୍ରୀ ମାନେ ଗୁରୁ ପୂଜନ କରିଥିଲେ । ଏହାପରେ ଅବସର ପ୍ରାପ୍ତ ଶିକ୍ଷକଙ୍କୁ ସମ୍ବର୍ଦ୍ଧନା ଦିଆଯାଇଥିଲା । ମୁଖ୍ୟଅତିଥି ଗୁରୁ ଦିବସର ମହତ୍ଵ ଓ ପାଳନର ଉଦ୍ଦେଶ୍ୟ ବିଷୟରେ ଉଦ୍ବୋଧନ ଦେବା ସହ ଶିକ୍ଷା ପ୍ରତି ନିଷ୍ଠା ରଖି ନିୟମିତ ପାଠ ପଢିବା ସହିତ ଜଣେ ଭଲ ମଣିଷ ହୋଇ ଦେଶର ତଥା ନିଜ ଅଞ୍ଚଳର ସେବା କରିବାକୁ ପରାମର୍ଶଦେଇଥିଲେ । ସମସ୍ତ ଛାତ୍ରଛାତ୍ରୀ କେବଳ ଗୁରୁ ଦିବସରେ ନୁହେଁ ବରମ୍ ଜୀବନର ପ୍ରତ୍ୟେକ ମୂହୁର୍ତ୍ତରେ ଗୁରୁମାନଙ୍କୁ ସମ୍ମାନ ଦେବାକୁ ମତପ୍ରକାଶ କରିଥିଲେ । ଏହି କାର୍ଯ୍ୟକ୍ରମରେ ଶିକ୍ଷୟିତ୍ରୀ ରୋହିଣୀ ମେହେର ମଞ୍ଚ ପରିଚାଳନା କରିଥିବାବେଳ ଛାତ୍ରୀ ନିୟତି ବୈଠାରୁ ସମସ୍ତ ଛାତ୍ରଛାତ୍ରୀଙ୍କୁ ଗୁରୁଙ୍କ ମାର୍ଗଦର୍ଶନକୁ ଗ୍ରହଣ କରି ଜଣେ ଜଣେ ଉତ୍ତମ ଛାତ୍ର ହେବାକୁ କହିଥିଲେ। ଏଥିରେ ଶିକ୍ଷୟିତ୍ରୀ ପାରିଜାତ ମେହେର ଓ ସୁରମା ଭିତ୍ରିୟା ଉପସ୍ଥିତ ଥିବାବେଳେ ବିଦ୍ୟାଳୟର ଶାରୀରିକ ଶିକ୍ଷକ ସରୋଜ କୁମାର ବୈଠାରୁ ସମସ୍ତଙ୍କୁ ଅନ୍ୟବାଦ ଅର୍ପଣ କରିଥିଲେ।
