ବାଲିଯୋଡ଼ିରେ କ୍ୟାନଭାସ୍ ଆନୁକୂଲ୍ୟରେ ରକ୍ତଦାନ ଶିବିର
ରାଉରକେଲା : କ୍ୟାନଭାସ୍, ରାଉଲକେଲା ଆନୁକୂଲ୍ୟରେ ବାଲିଯୋଡ଼ିରେ ଏକ ରକ୍ତଦାନ ଶିବିର ଆୟୋଜିତ ହୋଇଯାଇଛି।
ଶିବିରର ମୁଖ୍ୟ ଅତିଥି ଭାବେ ଟାଙ୍ଗରପାଲ୍ଲି ଥାନାର ଭାରପ୍ରାପ୍ତ ଅଧିକାରୀ ତ୍ରୀନାଥ ସେଠୀ ଯୋଗଦାନ କରି କ୍ୟାନଭାସ ର ପ୍ରୟାସ କୁ ଭୂରିଭୂରି ପ୍ରଶଂସା କରିଥିଲେ। କ୍ୟାନଭାସ୍ର ଆବାହକ ସୁରେଶ ଚନ୍ଦ୍ର ପ୍ରଧାନ ରକ୍ତଦାନ ମହତ୍ଵ ଓ ଗୁରୁତ୍ୱ ସମ୍ପର୍କ ରେ ବିଶଦ ଭାବରେ ଆଲୋଚନା କରିଥିଲେ।ଏହି କାର୍ଯ୍ୟକ୍ରମକୁ ଦେବାଶିଷ ମହାନ୍ତି ସମନ୍ୱୟ କରିଥିଲେ। ଏହି ଅବସରରେ କ୍ୟାନଭାସ ର ସଦସ୍ୟ ବଲୀ ଚୌଧୁରୀ, ରଞ୍ଜିତ ନାୟକ, ସଂଗ୍ରାମ କେଶରୀ ମହାନ୍ତି, ଗୋପାଳ ଜେନା, ଲିନା ନାୟକ, ସୁଶ୍ରୀ ମୋନାଲିସା ସାହୁ ଓ ଆର୍. ରମେଶ ପ୍ରମୁଖ ଉପସ୍ଥିତ ଥିଲେ। ସମସ୍ତ ଅତିଥି ଓ ସ୍ୱେଚ୍ଛାସେବୀଙ୍କ ଉପସ୍ଥିତିରେ ଶିବିର ସଫଳତାର ସହିତ ସମାପ୍ତ ହୋଇଥିଲା। ଏହି ଶିବିରରେ ମୋଟ ୩୦ ୟୁନିଟ୍ ରକ୍ତ ସଂଗ୍ରହ କରାଯାଇଥିଲା ।
କ୍ୟାନଭାସ ଆନୁକୂଲ୍ୟରେ ଅଗଷ୍ଟ ୧୫ ତାରିଖରୁ ଆୟୋଜିତ ଏହି ରକ୍ତଦାନ ଶିବିର ଆସନ୍ତା ଅକ୍ଟୋବର ୨ତାରିଖ ପର୍ଯ୍ୟନ୍ତ ସହରର ବିଭିନ୍ନ ପ୍ରାନ୍ତ ରେ ଆୟୋଜିତ ହେବା ର ଲକ୍ଷ୍ୟ ରଖା ଯାଇଛି।
କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
