କଳାହାଣ୍ଡି ବାସୀଙ୍କୁ ଅହରହ ଗୁଣାତ୍ମକ ବିଦ୍ୟୁତ ସେବା ଯୋଗାଇ ଦେବା ଆଭିମୁଖ୍ୟରେ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଆଜି ୨୨୦/୧୩୨ କେଭି ଗ୍ରୀଡ଼ ଷ୍ଟେସନ,କେସିଙ୍ଗା ଏବଂ ୨୨୦ କେଭି ସରବାରହ ଲାଇନ ବଲାଙ୍ଗୀର-କେସିଙ୍ଗା ସବଷ୍ଟେସନକୁ ଲୋକାର୍ପଣ କରିଛନ୍ତି।ଏହି ଅବସରରେ ଓଡିଶା ସରକାରଙ୍କ ଶକ୍ତି ମନ୍ତ୍ରୀ କ୍ୟାପଟେନ ଦିବ୍ୟଶଙ୍କର ମିଶ୍ର, କଳାହାଣ୍ଡି ଜିଲ୍ଲା ପରିଷଦ ଅଧ୍ୟକ୍ଷ ପୁଷ୍ପେନ୍ଦ୍ର ସିଂଦେଓ, କଳାହାଣ୍ଡି ଜିଲ୍ଲାପାଳ ଡକ୍ଟର ହର୍ଷଦ ପରାଗ ଗଭାଲି, ଆଇଏଏସ,ବଲାଙ୍ଗୀର ଜିଲ୍ଲାପାଳ ଚଞ୍ଚଳ ରାଣା ଏବଂ ଓପିଟିସିଏଲ(ଅପରେସନ) ର ନିର୍ଦେଶକ ଉପେନ୍ଦ୍ର କୁମାର ପତି ଉପସ୍ଥିତ ଥିଲେ।
ଏହାଦ୍ୱାରା କଳାହାଣ୍ଡି ଜିଲ୍ଲାର କେସିଙ୍ଗା, ଭବାନୀପାଟଣା, ଜୁନାଗଡ଼, ନର୍ଲା ଏବଂ ମଦନପୁର ରାମପୁର ନୂଆପଡା ଜିଲ୍ଲାର ଖରିଆର, ନୂଆପଡା, କୋମନା,ସିନାପାଲି ଓ ବଲାଙ୍ଗିର ଜିଲ୍ଲାର ଟିଟିଲାଗଡ଼, ସଇଁତଲା,ମୁରିବାହାଲ,ତୁରେକେଲା ଅଞ୍ଚଳର ବାସିନ୍ଦା ଉପଯୁକ୍ତ ବିଦ୍ୟୁତ ସେବା ପାଇ ପାରିବେ।
ଏହି କେଭି ଷ୍ଟେସନ କାର୍ଯ୍ୟକାରୀ ହେବା ଦ୍ୱାରା ହାତୀ ଖୋଜ ଓ ଲାଇତରା (ନୂନମାଠ ଓ ବେଲଗାଓଁ) ର ଦୁଇଟି ମେଗା ଲିଫ୍ଟ ଇରିଗେସନ ଅଧୀନରେ ଥବା ହିତାଧିକାରୀ ମାନେ ଉପକୃତ ହେବେ ଓ କେସିଙ୍ଗା, ଟିଟିଲାଗଡ଼ ଓ ନୂଆପଡା ରେଲୱେ କାର୍ଯ୍ୟ ତ୍ୱରାନ୍ୱିତ ହେବ।
ଏହି ଗ୍ରୀଡ଼ ଷ୍ଟେସନ କାର୍ଯ୍ୟକାରୀ ହେବା ଦ୍ୱାରା କଳାହାଣ୍ଡି ଓ ନୂଆପଡା ଜିଲ୍ଲାର ବିଦ୍ୟୁତ ଉପଭୋକ୍ତା ମାନଙ୍କ ଲୋଭୋଲଟେଜ ସମସ୍ୟା ଦୁରହେବା ସହ ଦୁଇଟି ଜିଲ୍ଲାରେ ଥିବା ଲିଫ୍ଟ ଇରିଗେସନ ଓ ମଧ୍ୟମ ଓ କ୍ଷୁଦ୍ର ଶିଳ୍ପମାନେ ନିରବଚ୍ଛିନ୍ନ ବିଜୁଳି ପାଇପାରିବେ ବୋଲି ପ୍ରକାଶ ପାଇଛି।
ଵିଦ୍ୟାଧର ସାହୁଙ୍କ ରିପୋର୍ଟ….
