ବାଲେଶ୍ବର ଜିଲ୍ଲା ସ୍ତରୀୟ ଯୁବ ଉତ୍ସବ -୨୦୨୬ ରେ ଦୀନକୃଷ୍ଣ ମହାବିଦ୍ୟାଳୟର ଛାତ୍ରୀ ଦୀପିକା ରାଉଳଙ୍କ କୃତିତ୍ୱ
ଜଳେଶ୍ଵର,୩୧/୧୦-(ମନିସ):ଜଳେଶ୍ୱର ଦୀନକୃଷ୍ଣ ମହାବିଦ୍ୟାଳୟର+୩(କଳା)ପ୍ରଥମ ବର୍ଷର ଛାତ୍ରୀ ଦୀପିକା ରାଉଳ ଓଡିଶା ସରକାରଙ୍କ ଦ୍ୱାରା ଆୟୋଜିତ “ଜିଲ୍ଲା ସ୍ତରୀୟ ଯୁବ ଉତ୍ସବ-୨୦୨୬” କାର୍ଯ୍ୟକ୍ରମରେ କବିତା ରଚନା ଓ ଆବୃତ୍ତି ପ୍ରତିଯୋଗିତାରେ ଅଂଶ ଗ୍ରହଣ କରି ବାଲେଶ୍ୱର ଜିଲ୍ଲାରେ ପ୍ରଥମ ସ୍ଥାନ ଅଧିକାର କରି ଅତିରିକ୍ତ ଜିଲ୍ଲାପାଳ ତପନ କୁମାର ଖୁଣ୍ଟିଆଙ୍କ ଠାରୁ ପ୍ରମାଣ ପତ୍ର ଓ ପୁରସ୍କାର ସ୍ୱରୂପ ୩୦୦୦/- ଟଙ୍କା ପାଇ ଛନ୍ତି।ଏହି ଉତ୍ସବରେ ଜିଲ୍ଲା କ୍ରୀଡା ଅଧିକାରୀ ପୂର୍ଣ୍ଣ ଚନ୍ଦ୍ର ଜେନା ଓ ଜିଲ୍ଲା ସଂସ୍କୃତି ଅଧିକାରୀ ମନସ୍ଵିନୀ ରାଉତ ପ୍ରମୁଖ ଉପସ୍ଥିତ ଥିଲେ। ପୂର୍ବରୁ ସମ୍ପୃକ୍ତ ଛାତ୍ରୀ ୨୦୨୫ ମସିହାରେ ମନୋରଞ୍ଜନ ସୀମାନ୍ତ ଉଚ୍ଚ ବିଦ୍ୟାଳୟ ପକ୍ଷରୁ ବିଦ୍ୟାଳୟ ସ୍ତରୀୟ କବିତା ରଚନା ଓ ଆବୃତ୍ତିରେ ଅଂଶ ଗ୍ରହଣ କରି ଜିଲ୍ଲାରେ ପ୍ରଥମ ସ୍ଥାନ ଅଧିକାର କରି ପୁରସ୍କୃତ ହୋଇଥିଲେ।ଜଳେଶ୍ୱର ବ୍ଲକ ନେତୁଆ ଗ୍ରାମର ବନମାଳୀ ରାଉଳ ଓ ପୁଷ୍ପଲତା ରାଉଳଙ୍କ ସୁକନ୍ୟା ଦୀପିକା ଜଣେ ମେଧାବୀ ଛାତ୍ରୀ ଅଟନ୍ତି।ସେ +୨(କଳା)ରେ ଦୀନକୃଷ୍ଣ ମହାବିଦ୍ୟାଳୟରେ ସର୍ବାଧିକ ୯୨% ନମ୍ବର ରଖି ବ୍ଲକ ଟପ୍ପର ହୋଇଥିଲେ।ଦୀପିକା ନିଜ ସଫଳତାର ସମସ୍ତ ଶ୍ରେୟ ମହାବିଦ୍ୟାଳୟର ଅଧ୍ୟକ୍ଷ ହିମାଂଶୁ କୁମାର ସାମଲ ଓ ଅନ୍ୟ ଅଧ୍ୟାପକ ଏବଂ ଅଧ୍ୟାପିକା ସମେତ ମନୋରଞ୍ଜନ ସୀମାନ୍ତ ଉଚ୍ଚ ବିଦ୍ୟାଳୟର ଶିକ୍ଷକ ରଞ୍ଜିତ କୁମାର ହୁଇଙ୍କୁ ଦେଇଛନ୍ତି। ସେମାନଙ୍କ ପ୍ରେରଣା ଓ ପ୍ରତ୍ୟକ୍ଷ ତତ୍ୱାବଧାନରେ ସମସ୍ତ ସଫଳତା ପାଇଛନ୍ତି ବୋଲି ଦୀପିକା ପ୍ରକାଶ କରିଛନ୍ତି।
ସୁକୁମାର ରଣା ଙ୍କ ରିପୋର୍ଟ୍
