ନବ ନିର୍ମାଣ କୃଷକ ଓ ମହିଳା ସଂଗଠନ ତରଫରୁ ମଦ ମୁକ୍ତ ଓଡ଼ିଶା ଗଠନ ପାଇଁ ଦାବି
ରାଇରଙ୍ଗପୁର – ତା.୦୬/୧୧ ; ମୟୂରଭଂଜ ଜିଲ୍ଲାରେ ଥିବା ନବ ନିର୍ମାଣ କୃଷକ ଓ ମହିଳା ସଂଗଠନ ତରଫରୁ ମିଳିତ ଭାବରେ ମଦମୁକ୍ତ ଓଡ଼ିଶା ଗଠନ ପାଇଁ ଦାବି କରାଯାଇଥିବାର ଦୃଶ୍ୟ ଦେଖିବାକୁ ମିଳିଛି । ସଂଗଠନର କର୍ମି ମାନେ ଆଜି ନଭେମ୍ବର ୬ ତାରିଖ ଶୁକ୍ରବାର ଦିନ ଏକ ଶୋଭାଯାତ୍ରାରେ ବାହାରି ଉଦଳା ସହର ପରିକ୍ରମା କରିବା ସହ, ‘ଚାଷିର ଜମିରେ ପାଣି ନାହିଁ- ମଦର ବନ୍ୟା କଣ ପାଇଁ ?’, ‘ସରକାରୀ ଓ ବେସରକାରୀ ମଦ ବିକ୍ରି ବନ୍ଦ କର’ ଇତ୍ୟାଦି ସ୍ଲୋଗାନ ଦେଇଥିଲେ । ଏହାପରେ ସମସ୍ତେ ସ୍ଥାନୀୟ ଉପଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଏକତ୍ରିତ ହୋଇ ମୁଖ୍ୟମନ୍ତ୍ରୀଙ୍କ ଉଦେଶ୍ୟରେ ଉପଜିଲ୍ଲାପାଳଙ୍କ ଜରିଆରେ ଏକ ଦାବିପତ୍ର ପ୍ରଦାନ କରିଥିବାର ଜଣାଯାଇଛି । ଉକ୍ତ ଦାବିପତ୍ରରେ ବର୍ତମାନ କ୍ଷମତାରେ ଥିବା ଭାରତୀୟ ଜନତା ପାର୍ଟିର ସରକାର ଓଡ଼ିଶାକୁ ମଦ ମୁକ୍ତ କରିବା ପାଇଁ ନିର୍ବାଚନି ଇସ୍ତାହାର ପତ୍ର ଘୋଷଣା କରିଥିଲେ । କିନ୍ତୁ କ୍ଷମତାକୁ ଆସିବାର ଦିର୍ଘ ୨ ବର୍ଷ ସମୟ ବିତି ଯାଇଥିଲେ ମଧ୍ୟ ମଦ ବନ୍ଦ ପାଇଁ କୌଣସି ପଦକ୍ଷେପ ନନେବା ଦୁଃଖଦାୟକ ବିଷୟ ବୋଲି ଉଲ୍ଲେଖ ରହିଛି । ନବନିର୍ମାଣ କୃଷକ ଓ ମହିଳା ସଂଗଠନର ଏପରି ଏକ ଦାବିକୁ ବିଭିନ୍ନ ମହଲରେ ସ୍ୱାଗତ କରାଯାଇଛି ।
ରାଇରଙ୍ଗପୁର ରୁ ଅକ୍ଷୟ ବିଶ୍ୱାଳ
