ପ୍ରଗତିଶୀଳ ମସିହା, ନିର୍ଭୀକ I ନିର୍ଭୟ I ନିରପେକ୍ଷ
ଆଞ୍ଚଳିକ

ମାତୃ-ପିତୃ ତୁଲ୍ୟ କାର୍ତ୍ତିକବ୍ରତଧାରୀ(ହବିଷିଆଳି)ଙ୍କ ସେବା କରି ମୁଁ ନିଜକୁ ଧନ୍ୟ ମନେ କରୁଛି – ବିଧାୟକ ଶ୍ରୀ ତନ୍ତୀ 

ମାତୃ-ପିତୃ ତୁଲ୍ୟ କାର୍ତ୍ତିକବ୍ରତଧାରୀ(ହବିଷିଆଳି)ଙ୍କ ସେବା କରି ମୁଁ ନିଜକୁ ଧନ୍ୟ ମନେ କରୁଛି – ବିଧାୟକ ଶ୍ରୀ ତନ୍ତୀ 

ବିଧାୟକଙ୍କ ଦ୍ଵାରା କାର୍ତ୍ତିକ ବ୍ରତଧାରୀଙ୍କୁ ସାଲ ବଣ୍ଟନ.

ରାଉରକେଲା : ବର୍ତ୍ତମାନ ପବିତ୍ର କାର୍ତ୍ତିକ ମାସ ଚାଲୁଥିବା ବେଳେ ପ୍ରାୟ ୪୨ଜଣ ମା-ମାଉସୀ ମାନେ ଗତ ପ୍ରାୟ ୨୫ ଦିନ ହେବ ସେକ୍ଟର ୩ ଅହୀରାବନ୍ଧ ଜଗନ୍ନାଥ ମନ୍ଦିର ପରିସରରେ ଦିନରାତି ୨୪ଘଣ୍ଟା ପୂର୍ଣ୍ଣ ସମୟ ରହି ଦିନରେ ଥରେ ପ୍ରସାଦ ସେବନ କରି ଭାଗବାନଙ୍କ ନିକଟରେ ବିଶେଷ ପୂଜାର୍ଚ୍ଚନା କରୁଛନ୍ତି । ବ୍ରତଧାରୀ ମା-ମାଉସୀଙ୍କ ପାଖକୁ ରଘୁନାଥପାଲ୍ଲୀ ବିଧାୟକ ତଥା ଜିଲ୍ଲା ଯୋଜନା କମିଟି ର ଅଧକ୍ଷ ଦୁର୍ଗା ଚରଣ ତନ୍ତୀ ଗତ ୨୫ଦିନ ମଧ୍ୟରେ ନିୟମିତ ବ୍ୟବଧାନରେ ଯାଇ ସେମାନଙ୍କର ସୁବିଧା ଓ ଅସୁବିଧା ସମ୍ବନ୍ଧରେ ପଚାରି ବୁଝୁଛନ୍ତି । ଏହି କ୍ରମରେ ଥଣ୍ଡାର ପ୍ରକୋପରୁ ରକ୍ଷା ପାଇବା ପାଇଁ ଯଦି ସମ୍ଭବ ସେମାନଙ୍କ ପାଇଁ କିଛି ସାଲ(ଶୀତବସ୍ତ୍ର)ବ୍ୟବସ୍ଥା କରିଦେବା ପାଇଁ ବ୍ରତଧାରୀ( ହବିଷିଆଳି)ମାନେ ବିଧାୟକଙ୍କୁ କହିଥିଲେ । ଫଳରେ ଆଜି ବିଧାୟକ ଶ୍ରୀ ତନ୍ତୀ ହବିଷିଆଳି ମାନଙ୍କ ନିକଟରେ ପହଞ୍ଚି ସମସ୍ତ ମା-ମାଉସୀ ବ୍ରତଧାରୀଙ୍କୁ ନିଜ ହାତରେ ସାଲ ପ୍ରଦାନ କରିଥିଲେ ।ଏଠାରେ ସୂଚନାଯୋଗ୍ୟ କି ବ୍ରତ ଆରମ୍ଭ ସମୟରେ ବ୍ରତଧାରୀଙ୍କ ଅନୁରୋଧ କ୍ରମେ ପରିସରରେ ସମୁଦାୟ ୬ଟି ଅସ୍ଥାୟୀ ଶୌଚାଳୟ ମଧ୍ୟ ନିର୍ମାଣ କରାଇଛନ୍ତି । ଆଜି ବ୍ରତଧାରୀ ମା-ମାଉସୀଙ୍କୁ ସାଲ ପ୍ରଦାନ କରିବା ଅବସରରେ ବୋଧେହୁଏ କେଉଁ ଜନ୍ମରେ ପୁଣ୍ୟ କରିଥିଲି ଯାହା ଫଳରେ ଆଜି ମାତୃ-ପିତୃ ତୁଲ୍ୟ ଆପଣ ମାନଙ୍କ ସେବା କରିବାର ସୁଯୋଗ ପାଇ ମୁଁ ନିଜକୁ ଧନ୍ୟ ମନେ କରୁଛି ବୋଲି କହି ବିଧାୟକ ଶ୍ରୀ ତନ୍ତୀ ହବିଷିଆଳି ମା-ମାଉସୀଙ୍କ ପାଦ ସ୍ପର୍ଶ କରି ଆଶୀର୍ବାଦ ଭିକ୍ଷା କରିଥିଲେ ।

କୁଞ୍ଜ ବିହାରି ରାଉତ ଙ୍କ ରିପୋର୍ଟ୍ 

Related posts

ରାଜ୍ୟ ଜୀବେ ନିଷ୍ଠୁରତା ନିରୋଧ ସମିତିର ସଚେତନତା କର୍ମଶାଳା

Sunil Chandra Nayak

ଗଞ୍ଜାମର କବିତାଘର ଦ୍ୱାଦଶ ସାହିତ୍ୟ ଉତ୍ସବ ଆୟୋଜିତ

Sunil Chandra Nayak

ପୂର୍ବତନ ଛାତ୍ରଙ୍କୁ ସମ୍ବର୍ଦ୍ଧନା 

masiha

Leave a Comment

error: Content is protected !!