ପଦ୍ମ
ସୂରୁଜ ଉଇଁଲେ ପଦୁଅଁ ଫୁଟଇ
ସରୋବରେ ସ୍ଥିର ଜଳେ
ଦୁରେ ଥିଲେ ପ୍ରୀତି ଆନ ହୁଏ ନାହିଁ
ଏ କଥା ପ୍ରମାଣ ମିଳେ ॥
ପଙ୍କରୁ ଜାତ ସେ ପଙ୍କଜିନୀ ନାମେ
ପରିଚିତ ହୋଇଥାଏ
ମଧୁଦିଏ ବାଣ୍ଟି ଭ୍ରମର ମାଧ୍ୟମେ
ଦାତା ପଣେ ବଡସିଏ ॥
ଶଙ୍ଖ ଚକ୍ର ଗଦା ପଦ୍ମ ଶୋଭା ପାଏ
ବିଷ୍ଣୁଙ୍କ ଆୟୁଦ୍ଧ ଭାବେ
ପଦ୍ମାସନୀ ନାମେ ଲକ୍ଷ୍ମୀ ସରସ୍ଵତୀ
ପରିଚିତ ଏଇ ଭବେ ॥
ପଦ୍ମଗନ୍ଧା ନାରୀ ମହାନ ଅଟନ୍ତି
ଏହା ପ୍ରମାଣ ଶାସ୍ତ୍ରରେ
ଶ୍ଵେତପଦ୍ମ ଅଟେ ଜ୍ଞାନ ର ପ୍ରତୀକ
ଲାଲ ପଦ୍ମ ସମ୍ପଦରେ ॥
ଜଗତର ନାଥ ହ୍ଵନ୍ତି ପଦ୍ମ ବେଶ
ଶ୍ରୀକ୍ଷେତ୍ର ମହିମା ଧାମ
ନୀଳପଦ୍ମ ଦେଇ ଦେବୀଙ୍କୁ ସନ୍ତୁଷ୍ଟ
କରିଥିଲେ ପ୍ରଭୁ ରାମ ॥
ଶାଶ୍ଵତ ପ୍ରେମର ଚିନ୍ତା ଚେତନାର
ପ୍ରତୀକ ପଦ୍ମ ଅଟଇ
ସେ ପାଇଁ ତାହାକୁ ଭାରତ ବର୍ଷର
ଜାତୀୟ ପୁଷ୍ପ ମାନଇଁ॥
ରତିନାରାୟଣ ରାଉତ (ପ୍ର. ଶି .)
ହରିଚନ୍ଦନପୁର, କେନ୍ଦୁଝର,ଓଡିଶା
