ସମୟ
ଉମାକାନ୍ତ ଦାସ
ସମୟ ଅଟଇ ସବୁ କିଛି ପରା
ଶକ୍ତିଶାଳୀ ଅଟେ ସେହି
ତା ଶକ୍ତି ଆଗରେ ଆମେ ଶକ୍ତି ହୀନ
କର୍ମ ଆମ ହାରୁଥାଇ ।।
କାଳ-ମହାକାଳ ଗଣିତ-କଥିତ
ଇତିହାସ ଅଟେ ସେହି
ଲିପିବଦ୍ଧ ପୁଣି ଅଶ୍ରୁତ ପୂର୍ବ ସେ
ଅଧୃଷ୍ଟ ଅଟଇ ସେହି।।
ହୁଏନା ପୁରୁଣା ନିତ୍ୟ ପ୍ରତିଦିନ
ନବୀକରଣ ଧରଇ
ହିଂସା-ପ୍ରତିହିଂସା ପ୍ରେମ-ପ୍ରତ୍ୟାଖ୍ୟାନ
ବୀର- ଭୀରୁତ୍ବକୁ ନେଇ ।।
ସେ ଯେ ନିରପେକ୍ଷ ସତ୍ଯର ରକ୍ଷକ
ଧର୍ମ ପ୍ରତିଷ୍ଠା କରଇ
ମୃତ୍ୟୁ ନାହିଁ ତାର ଅଜର-ଅମର
ବାର୍ଦ୍ଧକ୍ଯ ଗ୍ରାସଇ ନାହିଁ ।।
ଆଜି ଏ ସମୟ ଦେଉଅଛି ଭୟ
ଭୟ ଯେ କରିବା ନାହିଁ
ଜନ୍ମ ନେଇଛନ୍ତି ମରଣ ନିଶ୍ଚୟ
ଭାଗ୍ଯେ ଯାହା ଲେଖା ଥାଇ ।।
ସମୟର ସାଥେ ସାହସକୁ ବାନ୍ଧି
ଆତଙ୍କେ ଡ଼ରିବା ନାହିଁ
ଏ ମହାମାରୀରେ ହୋଇବା ନି ଧନ୍ଦି
ଅପେକ୍ଷା କର ହେ ଭାଇ ।।
ଆଜି ନୁହେଁ ନୂଆ ୟା ରୂପ ପୁରୁଣା
ଯୁଗେ ଯୁଗେ ଅଛି ଏହି
ଦ୍ବାପରେ କୋକୁଆ କଳିରେ କରୋନା
ସମୟେ ଯିବ ଦୂରେଇ ।।
ଜୟମା ବିରଜା
ଉମାକାନ୍ତ ଦାସ,ଲାଲବାଗ ,
ଖାନନଗର
ମଙ୍ଗଳ ପୁର,ଯାଜପୁର
