ସକାଳ ବନ୍ଦନା
କାଳିଆରେ,
ଆଣିଛି ଆଜି ତୋ ପାଇଁ ମୁଁ
କେବଳ ତୁଳସୀ ଚନ୍ଦନ
ତୋ ପାଖେ କରି ସମର୍ପଣ
ଦେଖିବି ତୋ କଳା ବଦନ ।
ତୋତେ ଥରଟେ ଦେଖିଦେଲେ
ମନ ଭକ୍ତିରେ ପୁରିଯାଏ
ତୋ ନାମକୁ ମୁଁ ଭଜି ଭଜି
ଦିନଟି ମୋର ସରିଯାଏ ।
ତୋ ଶ୍ରୀମନ୍ଦିର ଚତୁଃପାର୍ଶେ
ଥରଟିଏ ଆସିଲେ ବୁଲି
କୋଟି କୋଟି ଜନ୍ମର ପୁଣ୍ୟ
ଏଇ ଜନ୍ମରେ ମୁଁ ପାଇଲି ।
ପ୍ରାର୍ଥନା କରୁଛି ମୁଁ ତୋତେ
ଆଶିଷ ଟିକେ ଦେ ତୁ ମୋତେ
ଏହି ଜୀବନ ଯାତ୍ରାରେ ମୁଁ
ପାଇବି ସଫଳତା ଯେତେ ।।
ସସ୍ମିତେଶ ସାହୁ
ଶଙ୍ଖଚିଲା,ଯାଜପୁର
