ବୟସ
ବିଜୟ କୁମାର ଜେନା
ବୟସର ମାପ କାଠିରେ
ମୁଁ ଜଣେ ବୃଦ୍ଧ
ବାଲ୍ୟ, କୈଶୋର, ଯୌବନ ଅତିକ୍ରମ କରି
ଏହି ବୟସରେ ଉପନୀତ ହୋଇଛି
ସଂସାରରେ ଜନ୍ମ ନେଇ ଏହାକୁ
ସାମନା କରିବାକୁ ପଡିଛି
ନିତ୍ୟ ନୈମିତ୍ତିକ ଭାବେ
ସେଥିପାଇଁ ପ୍ରତି ବୟସର
ନିଜର ସ୍ୱତନ୍ତ୍ରତା ରହିଛି
ଷୋହଳ ବୟସ ପର୍ଯ୍ୟନ୍ତ
ପିତା ମାତା ଗୁରୁଜନ ଙ୍କ ନିୟନ୍ତ୍ରଣ
ରହିବା ବିଧି ରହିଛି
ତାପରେ ଆସେ କିଶୋର, ପରେ ପରେ ଯୌବନ, ଉଜାଡି ଯିବାର ବୟସ
ବଡ ବିଷମ ସମୟ
ସତର୍କ ରହିବାକୁ ପଡିବ, ନଚେତ
ପ୍ରତି କ୍ଷଣ ବିପଦ ରହିଛି
ତାପରେ ଆସେ ବାର୍ଦ୍ଧକ୍ୟ
ଏଇ ସମୟରେ କିଏ କହେ ଜେଜେ
ଅବା କିଏ କହେ ଅଜା, ମଉସା
ଜଣେ ବ୍ୟକ୍ତି, ଭିନ୍ନ ଭିନ୍ନ ନାମରେ ନାମିତ
ସମାଜ କହେ ବରିଷ୍ଠ ନାଗରିକ
ବୟସ୍କ, ସମବେଦନା ଜଣାଇବା ପାଇଁ
ପାତ୍ର, ବହୁ ଅନୁଭୁତି ସମ୍ପନ୍ନ
ଦିନେ ବୁଦ୍ଧଦେବଙ୍କ ମନରେ
ଏହି ଚାରୋଟି ଅବସ୍ଥା ଭାବାନ୍ତର ଆଣିଥିଲା
ସେ ସଂସାର ତ୍ୟାଗୀ ସନ୍ୟାସୀ ଜୀବନ
ଆରମ୍ଭ କରି ସିଦ୍ଧ ହୋଇଥିଲେ।
ସୁତରାଂ ପ୍ରତି ବୟସର ମାପରେ ମାପି
ହୋଇ ଜୀବନକୁ ରସମୟ କରିବା।
ସମୟ ସୁଅ ରେ ଓ ବୟସର ଗତିପଥରେ
ଆମେ ସମସ୍ତେ ନିଜସ୍ଵ ଶୈଳୀରେ
ଜୀବନକୁ ସୁଖକର କରିବା।
ଅବସର ପ୍ରାପ୍ତ ପ୍ରାଧ୍ୟାପକ ଶାମୁକା ସାହି
ରଣପୁର ନୟାଗଡ଼
