ଜଣାଣ
ମାନଗୋବିନ୍ଦ ସ୍ବାଇଁ
ମିଳିଲା ସୁଯୋଗ ପୁରୀ ଯିବି ଆଗ
ପ୍ରଭୁ କରିବି ଦର୍ଶନ
ମନର ଆଗ୍ରହ ପଥ ପରିଷ୍କାର
ଶୁଭ ହବ ମୋର ଦିନ।
ସଂସାର ଧରିକି ସକାଳ ବେଳାରେ
ଯାନରେ ବସି ପୁରୀକୁ
ପହଞ୍ଚି ଦାଣ୍ଡରେ ଧୂଳି ମାରି ମୁଣ୍ଡେ
ଚାହିଁ ତା ସିଂହଁ ଦ୍ବାରକୁ।
ଫୁଲ ଧୂପ ଦୀପ ଦେଇ ମାଳା ସଜା
କରିଲୁ ପ୍ରଭୁ ଦର୍ଶନ
ଆନନ୍ଦ ଲାଗିଲା ଖୁସି ବି ଲାଗିଲା
ନିଜକୁ ମଣିଲୁ ପୁଣ୍ୟ।
ଭିତରେ ପ୍ରବେଶ ବେତ ମାଡ଼ ଖାଇ
ପାପ ଗଲା ଛାଡ଼ି ସତ
ପ୍ରଭୁଙ୍କ ପଥରେ ମୋ ନୟନ ମିଶି
ଗାଉଛି ଭଜନ ଗୀତ।
ବାଇଶି ପାହାଚ ଥକା ମାରି ବସେ
ପ୍ରଭୁଙ୍କ ବିଚିତ୍ର ଲୀଳା
ଭୋକ ଶୋଷ ଭୁଲି ତାରୂପେ ବାଉଳା
ଦେଖିଲି ଏ ବିଶ୍ୱେ ମେଳା।
ମନ ମୋ ସନ୍ତୋଷ ପାଇଲି ଆଶିଷ
ଛାଡିବା ନୁହେଁ ମୋ ମନ
ଏଇଠି ରହିବି ଏଇଠୁ ବିଶ୍ରାମ
ଦେଖା ହବ ଭଗବାନ।
ଗୋଜାବନ୍ଧ ମହାକାଳପଡ଼ା
କେନ୍ଦ୍ରାପଡ଼ା
