ବିଦ୍ୟାଧର ଚମ୍ପୂ

ଇ

ଇଙ୍ଗିତଛାଡି ତୁହି କାହିଁକିରେ, ବଂଶୀଧର

ଲଜ୍ୟା ଦେଉଛୁ ଆଜ ମାଇଁକି ରେ(ghosa)

ଇଛାମାତ୍ରକେ କାହିଁ

ମିଳେ ପ୍ରୀତି କାହ୍ନାଇଁ

ପରଦାରାରେ ହୋଇ ବାଇକିରେ (1)

ଇଛାମୟ ଦେବତା

ପୁରେମୋ ପରିଣେତା

ଶାଶୁ ନଣନ୍ଦ ସବୁ ଥାଇକିରେ (2)

ଇନ୍ଦୁ ବଦନୀ ପାଇଁ

ହେଉଛୁ ହାଇଁପାଇଁ

କାଳିନ୍ଦୀ ତଟେ ବେଣୁ ବାଇକିରେ (3)

ଇନ୍ଦିରା ଆଳୟରୁ

ପଦ୍ମକୁ ପାଇପାରୁ

କିନ୍ତୁ ଛାଡତୋ ଏହି ଖୋଇକିରେ (4)

ଇସ୍ତଫା ଦିଅ ହରି

ରାଧିକା ଚିତ୍ତ ଚୋରି

ଲୀଳା ମୋହିବ ଆଜିପାଇଁକିରେ (5)

ଇଛଇ ବିଦ୍ୟାଧର

ରାଧାକୃଷ୍ଣ ପୟର

ଭକତ ଭାବେ ତାଙ୍କୁଧ୍ୟାଇକିରେ (6)