ପାଷାଣ
କାହାପାଇଁ ତୁମେ ପାଷାଣ ହୋଇଲ
ଗୁପତେ ବସିଛ ଏକା
କେଉଁ ଅପରାଧ କରିଅଛୁ ଆମେ
ଦିଅନାହିଁ ଥରେ ଦେଖା
କାହାପାଇଁ ତୁମେ………………୧
ଗୁପ୍ତ ଲୀଳା ତୁମ କେମିତି ବୁଝିବୁ
ବୁଝାଇ କହିବ କିଏ
ଅପଢା ପାଠକୁ କିଏ ପଢ଼ାଇବ
ଜ୍ଞାନ ଦାତା ହେବ ସିଏ
ଚାରି ଦିଗ ଆଜି ଅନ୍ଧକାର ଦିଶେ
ତୁମ ବିନା ଏଠି ଏକା
କାହାପାଇଁ ତୁମେ………………୨
କି ବିଚାର ତୁମେ କରିଲ ଏଠାରେ
କାହାକୁ କହିଲ ନାହିଁ
ନିଜକୁ ତୁମେ ଯେ ଦୂରେଇ ତ ନେଲ
ଦୁଃଖରେ ରହିଚି ଚାହିଁ
ଏମିତିକା ଭକ୍ତ ପାଖରେ ରହିବି
ଏହିକି ଭାଗ୍ୟରେ ଲେଖା !
କାହାପାଇଁ ତୁମେ ପାଷାଣ ହୋଇଲ
ଗୁପତେ ବସିଛ ଏକା………….୩
ସତ୍ୟରଞ୍ଜନ ସ୍ୱାଇଁ
ଅବଦଲପୁର, ଯାଜପୁର