ଜଗନ୍ନାଥ
ଶ୍ଯାମା ପ୍ରସାଦ୍ ବୋଷ୍
ଜଗନ୍ନାଥ ତୁମେ ଜଗତର ନାଥ
ଭକତର ବିଶ୍ୱାସ ରେ
ବିଶ୍ୱାସେ ଭକତ ଡାକୁଥାଏ ପରା
ପ୍ରତ୍ଯେକ ଟି ନିଶ୍ବାସ ରେ ।
ଜଗତ ଉଦ୍ଧାର ରକ୍ଷଣ କାରଣ
ତାରଣ କର ହେ ପ୍ରଭୁ
ଜଗନ୍ନାଥ ନାମେ ଝରି ପଡୁ ସଦା
ତୁମ କରୁଣାର ବିଭୁ ।
ଜୟ ଜଗନ୍ନାଥ ଅନାଥ ର ନାଥ
ନୀଳଗିରି ନାଥ ତୁମେ
ତୁମରି କରୁଣା ନ କରିବ ଉଣା
ତୁମ ନାମେ ଭକ୍ତ ଝୁମେ ।
ଭକତ ଭାବରେ ଭାବ ବନ୍ଧନରେ
ବାନ୍ଧି ହୋଇ ଜଗନ୍ନାଥ
ଶରଧା ବାଲିରେ ଭକ୍ତ ହୃଦୟରେ
ଦେଖାଇଛ ଭକ୍ତି ପଥ ।
ଜଗତରେ ହୁରି ଶ୍ରେଷ୍ଠ ଧାମ ପୁରୀ
ଜଗନ୍ନାଥ ନାମ ଧରି
ଜଗତ ଗାଉଛି ଶ୍ରୀକ୍ଷେତ୍ର ଧାଉଁଛି
ଧେନୁ ପଛେ ବତ୍ସା ପରି ।
ପ୍ରଭୁ ଜଗନ୍ନାଥ ଜଗତର ନାଥ
ଭକ୍ତ ହୃଦ ଭାବଗ୍ରାହୀ
ଚରାଚର ବିଶ୍ବ ହୋଇଯାଏ ନିଶ୍ବ
ଭକ୍ତ ଭାବେ ଥାଅ ରହି ।
ଜଗନ୍ନାଥ ତୁମେ ଶବ୍ଦ ବ୍ରହ୍ମ କ୍ରମେ
ଆଜିର ଆସରେ ରହି
ଜଗନ୍ନାଥ ଧ୍ଯାଇ କବି ଲେଖୁଥାଇ
ଜଗନ୍ନାଥ ତୁଣ୍ଡେ କହି ।
ଜୟ ଜଗନ୍ନାଥ
ଶ୍ଯାମା ପ୍ରସାଦ୍ ବୋଷ୍
ବେଗୁନିଁଆ , ମଲ୍ଲୀକ୍ ସାହି
ଗୋପ୍ , ପୁରୀ
ଜୟ ଜଗନ୍ନାଥ ସ୍ବାମୀ
