ଭକ୍ତିରେ ଆହେ ଜଗନ୍ନାଥ
ଭକ୍ତିରେ ତୁମେ ଆହେ ଜଗନ୍ନାଥ
ଶ୍ରୀରଥେ ଆଜ କରିଛ ବିଜେ
ଦେଖିବାକୁ ଆଖି ଯାଏ ନିରେଖି
ମନ ଏ ତୁମ ଶ୍ରୀମୁଖ ଖୋଜେ ll
ଲକ୍ଷ ଲକ୍ଷ ଭକ୍ତ ଭାବ ପ୍ରବଣ
ତୁମ ଶ୍ରୀମୁଖ ଦର୍ଶନ ପାଇଁ
ପାଟ ପିତାମ୍ବର ଦିଶେ ସୁନ୍ଦର
ମଥା ଏ ଯାଏ ତୁମଠି ନଇଁ ll
କୃପା କର ପ୍ରଭୂ ତୁମ ଆଶୀଷ
ନରହୁ ଏହି ସଂସାରେ ଦୁଃଖ
ହରି ନିଅ ମନରୁ କଷ୍ଟ ଦୁଃଖ
ଦେଖାଇ ତୁମ ଦିବ୍ୟ ଶ୍ରୀମୁଖ ll
କୋଟି ଅବତାର ନିଅ ଜଗତେ
ଦେଖାଇ ତୁମ ଭୁବନ ରୂପ
ଭକ୍ତ ଦାସିଆର ଡାକ ଶୁଣିଲ
ବଢ଼ାଇ ତୁମ ହସ୍ତ ସ୍ୱରୂପ ll
ବରଷକେ ଥରେ କରୁଛ ବିଜେ
ବଳଭଦ୍ର ସୁଭଦ୍ରାଙ୍କ ସାଥେ
ଦେଖି ନିଅ ତୁମେ ହେ ଜଗନ୍ନାଥ
ଆଶୀର୍ବାଦ ଦିଅ ତୁମ ହାତେ ll
ତ୍ରିନାଥ ପଟ୍ଟନାୟକ
( ଅଧ୍ୟାପକ ତଥା କବି)
ଗ୍ରାମ : ଶିକ୍ଷକ କଲୋନୀ, ଗାନ୍ଧୀ ନଗର
ପୋ:ଜିଲ୍ଲା- କୋରାପୁଟ
