ଆଡପ ମଣ୍ଡପ ଶିକ୍ଷା
ଆଡପ ମଣ୍ଡପେ କାଳିଆ
ଘେନି ଭଉଣୀ ଭାଇ
ଗୁଣ୍ଡିଚା ମା ହାତ ପରଷା
ଭୁଞ୍ଜ ଆନନ୍ଦ ହୋଇ (1)
ଜନମ ବେଦୀରେ ବସିଣ
ତୁମ ଜନ୍ମ ବୃତାନ୍ତ
ପିତା,ମାତା ତ୍ୟାଗ କଥାକୁ
ହେଜ ଜଗତନାଥ (2)
ମାଆ ସିନା ଜାଣେ ସତତ
ପୁତ୍ର, ସନ୍ତତୀ ଚିତ୍ତ
ବଡ଼ ହୋଇ ଭୁଲି ଯାଆନି
ଶିକ୍ଷା ଦିଅ ସାଆନ୍ତ (3)
ନାନା (ବାପା ), ବୋଉ ଚାହୁଁ ନାହାଁନ୍ତି
ପୁତ୍ର ଧନ ଦରବ
ପାଖେ ବସି ଟିକେ ଗପିଲେ
ତାଙ୍କୁ ଲଗାଇ ସ୍ୱର୍ଗ (4)
ଦେବ ହୋଇ ନର ଚଳଣି
ଗୃହ କର୍ତ୍ତବ୍ୟ କର୍ମ
କରି ତୁ ବତାଉ ଜନଙ୍କୁ
କର ଶ୍ରେଷ୍ଠ କରମ (5)
ଜନ୍ମଦାତା, ଦାତ୍ରୀ, ଭୂମିତ
ବର ବୈକୁଣ୍ଠପୁର
ପୁତ୍ର ଧର୍ମ ପାଳି ସଭିଏଁ
ସେବ ସେହି ପୟର (6)
କି ଲୀଳା ରଚିଛୁ ଗୋସାଇଁ
ଦେବେଟି ଅଗୋଚର
ମୁଁ ପାମର କାହୁଁ ଜାଣିବି
ବୁଦ୍ଧ କାହିଁ ମୋହର (7)
ଶୁଣିଛି ସାଧୁଙ୍କ ମୁଖରୁ
ତୁମ ନାମକୁ ଜପି
ଦସ୍ୟୁ, ନର, ଦୈତ, ବାନର
ଲଭି ଅଛନ୍ତି ତପୀ (8)
ଦେବଙ୍କୁ ଦୁର୍ଲଭ ତୋ ରୂପ
ନେତ୍ରେ ଯିଏ ଦେଖିଛି
ତରିଛି ଜନମ ଚକ୍ରରୁ
ଶାସ୍ତ୍ରେ ରଚି ରହିଛି (9)
ପଶୁଛି ଶରଣ କୃପାଳୁ
କୃପା ବାରି ବରଷି
ଇହଧାମ ତ୍ୟାଗ କାଳରେ
ତୁଣ୍ଡେ ଥିବଟି ବସି (10)
ତ୍ରିପତି ପ୍ରଧାନ
ସଂସ୍କୃତ ଶିକ୍ଷକ, ଚିକିଟି, ଗଞ୍ଜାମ
