କୋକସରା,୬/୭-( ମ ନି ସ ) କଳାହାଣ୍ଡି ଜିଲ୍ଲା କୋକସରା ବ୍ଲକ ଟେମରା ଓ କାଶିବାହଲ କୃଷି ସମବାୟ ସମିତି ନିର୍ବାଚନ ବୁଧବାର ଅନୁଷ୍ଠିତ ହୋଇଯାଇଛି। କାଶିବାହାଲ ସମବାୟ ସମିତି ସଭାପତି ରେସ ରେ ଦୁଇ ପ୍ରତିଦ୍ୱନ୍ଦୀ ରହିଥିବା ବେଳେ ନିହାର ରଞ୍ଜନ ବେହେରା ତାଙ୍କ ନିକଟତମ ପ୍ରତିଦ୍ୱନ୍ଦୀ କିଶୋର ନାଏକ ଙ୍କୁ ୩ ଭୋଟ ବ୍ୟବଧାନ ରେ ପରାଜିତ କରି କାଶିବାହଲ ପେକ୍ସ ସଭାପତି ଭାବେ ନିର୍ବାଚିତ ହୋଇଥିଲେ ।
ନିର୍ବାଚନ ଅଧିକାରୀ ଭାବେ ନିରଞ୍ଜନ ବାଗ ରହିଥିବା ବେଳେ ପ୍ରିଜାଇଡିଂ ଅଫିସର ଭାବେ କ୍ଷମାନିଧି ବାଗ ରହିଥିଲେ । ସେହିପରି ଟେମରା ସମବାୟ ସମିତି ପାଇଁ ମଧ୍ୟ ଦୁଇ ପ୍ରତିଦ୍ୱନ୍ଦୀ ଙ୍କ ମଧ୍ୟରେ ନିର୍ବାଚନ ଅନୁଷ୍ଠିତ ହୋଇଥିବା ବେଳେ ନବୀନ ଚନ୍ଦ୍ର ପୁଝାରି ତାଙ୍କ ପ୍ରତିଦ୍ୱନ୍ଦୀ ଜାତୀନ୍ଦ୍ର ମାଝୀ ଙ୍କୁ ୩ ଖଣ୍ଡ ଭୋଟ ରେ ହରାଇ ସଭାପତି ନିର୍ବାଚିତ ହୋଇଥିବା ହୋଇଥିବା ନେଇ ନିର୍ବାଚନ ଅଧିକାରୀ ରଞ୍ଜନ ପାଣିଗ୍ରାହୀ ରହିଥିବା ବେଳେ ପ୍ରଜାଇଡିଂ ଅଫିସର ଭାବେ ବିକାଶ ରଞ୍ଜନ ପଣ୍ଡା ରହିଥିଲେ । ସକାଳ ୧୦ ଘଣ୍ଟା ରୁ ୧୨ ଘଣ୍ଟା ପର୍ଯ୍ୟନ୍ତ ନିର୍ବାଚିତ ପ୍ରତିନିଧି ମାନେ ନିର୍ବାଚନ ପାଇଁ ଭୋଟ ଦେଇଥିଲେ । 
ସମବାୟ ସମିତିର ସଭାପତି ଭାବେ ନିର୍ବାଚନ ରେ ବିଜୟୀ ପ୍ରାର୍ଥୀ ଙ୍କ ନାଁ ଘୋଷଣା ପରେ ପ୍ରାର୍ଥୀ ଙ୍କ ସମର୍ଥକ ମାନେ ବିଜୟ ଉତ୍ସବ ପାଳନ କରିଛନ୍ତି। ସୂଚନାଯୋଗ୍ୟ ଯେ କୋକସରା ବ୍ଲକ ରେ ୬ ଟି ସମବାୟ ସମିତି ମଧ୍ୟରୁ କୋକସରା, ଡହଗାଁ,ଲଡୁଗାଁ, ଆମପାଣି ୪ ସମିତି ର ସଭାପତି ପୂର୍ବରୁ ନିର୍ଦ୍ୱନ୍ଦ ରେ ନିର୍ବାଚିତ ହୋଇ ସାରିଛନ୍ତି।
