ଜଳସେଚିତ ହେବ ୭ଟି ବ୍ଲକର ୧ ଲକ୍ଷ ୧୨ ହଜାର ୮୬୬ ହେକ୍ଟର ଚାଷ ଜମି
ଖରିଫ ଚାଷ ପାଇଁ କଳାହାଣ୍ଡି ଇନ୍ଦ୍ରାବତୀ ଜଳ ବିଦ୍ୟୁତ୍ ପ୍ରକଳ୍ପରୁ ଚଳିତ ବର୍ଷର ପ୍ରଥମ ପାଣି ଛଡାଯାଇଛି । ମଙ୍ଗଳପୁର ବ୍ୟାରେଜରୁ ଦୁଇଟି କେନାଲରେ ପାଣି ଛଡାଯାଇଛି । ବାମ କେନାଲରେ ୫ କ୍ୟୁସେକ୍ ଜଳ ଛଡାଯାଇଥିବା ବେଳେ ଦକ୍ଷିଣ କେନାଲରେ ୭ କ୍ୟୁସେକ୍ ଜଳ ବହୁଛି ।ଜଳସେଚନ ପାଇଁ ଆସନ୍ତା ୧୦ ତାରିଖରେ ମେଗା ଲିଫ୍ଟ କେନାଲରେ ପାଣି ଛଡାଯିବ ବୋଲି ଡ୍ୟାମ୍ପର ମୁଖ୍ୟ ନିର୍ମାଣ ଯନ୍ତ୍ରୀ ଅନିଲ ପାଣିଗ୍ରାହୀ ସୂଚନା ଦେଇଛନ୍ତି । ତେବେ ଆଜିଠାରୁ ଛଡାଯାଇଥିବା ପାଣିରେ କଳାହାଣ୍ଡି ଜିଲ୍ଲା ୭ଟି ବ୍ଲକ ୪୬୭ଟି ଗାଁର ୧ ଲକ୍ଷ ୧୨ ହଜାର ୮୬୬ ହେକ୍ଟର ଚାଷ ଜମି ଜଳସେଚିତ ହେବ ।
ଵିଦ୍ୟାଧର ସାହୁଙ୍କ ରିପୋର୍ଟ…..