କର୍ଲାମୁଣ୍ଡା: କର୍ଲାମୁଣ୍ଡା ବ୍ଲକ ଅନ୍ତର୍ଗତ ଯୋରାଡବରା ଗ୍ରାମ ପଞ୍ଚାୟତ କୁସୁର୍ଲା (ହଜାରୀପଡା) ଗ୍ରାମର ମହିଳା ଟିକେବତୀ ସାହୁଙ୍କ ମଙ୍ଗଳ ବାର ପରଲୋକ ହୋଇଯାଇଛି l ମୃତ୍ୟୁ ବେଳକୁ ତାଙ୍କୁ ୬୪ ବର୍ଷ ବୟସ ହେଉଥିଲା l ସ୍ଵର୍ଗତ ସାହୁ ଜଣେ ଧର୍ମପରାଣ ଓ ପରୋପକାରୀ ମହିଳା ଥିଲେ l ସେ କଳାରୁଦ୍ର ଯୁବକ ସଂଘର ପ୍ରଥମ ମହିଳା ସଭ୍ୟା ଥିଲେ l ସୁଖ ଦୁଃଖର ସାଥି ଭାବେ ଗ୍ରାମର ବିଭିନ୍ନ କାର୍ଯ୍ୟକ୍ରମରେ ତାଙ୍କର ବେଶ୍ ଗୁରୁତ୍ୱପୂର୍ଣ୍ଣ ଭୂମିକା ରହୁଥିଲା l ତାଙ୍କରି ବିୟୋଗରେ କଳାରୁଦ୍ର ଯୁବକ ସଂଘ ତଥା ଗ୍ରାମରେ ଶୋକର ଛାୟା ଖେଳି ଯାଇଛି l କଳାରୁଦ୍ର ଯୁବକ ସଂଘ ଓ ରାମଜୀ କମିଟି କୁସୁର୍ଲା (ହଜାରୀପଡା) ତରଫରୁ ତାଙ୍କର ଅମର ଆତ୍ମାର ସଦଗତି କାମନା କରିବା ସହ ଗଭୀର ଶୋକ ପ୍ରକାଶ କରିଛନ୍ତି l କର୍ଲାମୁଣ୍ଡାରୁ ସୁଶାନ୍ତ ରଣାଙ୍କ ରିପୋର୍ଟ, ମସୀହା
