ପ୍ରକୃତିରାଣୀ

ଋତୁ କ୍ରମାନ୍ଵୟେ ବିବିଧ ବେଶରେ

      ପ୍ରକୃତିରାଣୀର ଶୋଭା

କବି ଭାବୁକଙ୍କ ମାନସୀ ନାୟିକା

      ସୁଷମାରେ ବିମଣ୍ଡିତା l 

ଆଦ୍ୟ ଆଷାଢ଼ରେ ରିମ ଝିମ ନାଦେ

      ପାଦରେ ଘୁଙ୍ଗୁର ବାନ୍ଧି

କଜ୍ଵଳ ବରଣାମୋହିନୀ ମାୟାରେ

     ମନ ହରେ କୃଷ୍ଣ ପାଟେ l 

ବସନ୍ତେ କୋକିଳ କଣ୍ଠେ କୁହୁ ସ୍ୱନ

      ନିଦାଘେ ଝିଙ୍କାରୀ ନାଦେ

ହେମନ୍ତର ହିମ ଶୀତଳତା ମଧ୍ୟେ

      ରୂପର ପସରା ମେଲେ l 

ବରଷା ଧଉତ ବାରୁଣୀ ଗଗନେ

      ଇନ୍ଦ୍ରଧନୁର ରଙ୍ଗରେ

କାଉଁରୀ ରାଇଜ ରାଜଜେମା ସାଜି

      ପୁଲକ ଭରଇ ମନେ l 

ଜଳ ସ୍ଥଳ ନଭେ ଅଫୁରନ୍ତ ଶୋଭା

     ଚିରକାଳ ନୂଆ ଲାଗେ

ସୃଷ୍ଟିର କରତା ପ୍ରକୃତି ରାଣୀକୁ

      ଗଢିଛନ୍ତି କଉଶଳେ l 

ଜାଗତିକ ଶୋଭା କେଡେ ମଧୁମୟ

    ପ୍ରକୃତି ବାରତା ଦିଏ

ନିରୀକ୍ଷଣ ସହ ଉପଭୋଗ କର

      ଅଳୀକ ଜୀବନ କାଳେ l 

ନର୍ମଦା ନାୟକ

ରାଉରକେଲା