ଜଣାଣ

ମାନଗୋବିନ୍ଦ ସ୍ବାଇଁ

କେଉଁ ନାମ ଧରି ଡାକିବି ତୁମକୁ

     ତୁମେ ପ୍ରଭୁ ନିରାକାର

ଏଇଠି ରହିଛ ଅନନ୍ତ ଅପାର

    ତୁମେ ଜଗତ ଈଶ୍ୱର।

ସ୍ବରରେ ରହିଛି ଗୀତରେ ଶୁଣିଛୁ

    ତୁମେ ଯେ ଭାବ ଠାକୁର

ଭକ୍ତି ଦିଏ ଶକ୍ତି ପ୍ରଭୁ ଦିଏ ମୁକ୍ତି

    ପ୍ରଭୁ ମୋ ଭାଗ୍ୟ ସଂସାର।

ଜପ କରୁଥିଲେ ପବିତ୍ର ହୋଇବା

    ଶୁଦ୍ଧ ରହେ ମନ ଧ୍ୟାନ

ସକାଳ ସଞ୍ଜରେ ପ୍ରଭୁ ଆରାଧନା

     ପ୍ରଭୁଙ୍କୁ କରି ଦର୍ଶନ।

ଯୁଆଡ଼େ ଯାଉଛି ତୁମ ନାମ ଧରି

     ପଥ ଦିଅ ମୋ ଦେଖାଇ

ସ୍ମରଣ ଆସୁଛି ରୂପ ଛବି ହୋଇ

    ଜ୍ଞାନ ଟିକେ ଦିଅ କହି।

ଶୟନେ ସ୍ବପନେ ତୁମ କଥା ମନେ

     ଅନ୍ତରେ କରୁଛି ପୂଜା

ତୁମକୁ ନଦେଖି ଦିନେ ରହି ନାହିଁ

    ତୁମେ ମୋ ପାଇଁ ଯେ ଧ୍ଵଜା

   

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା