ପ୍ରତୀକ୍ଷା

ଉପେନ୍ଦ୍ର କୁମାର ବସ୍ତିଆ

   

ଥରେ ଆସିବକି ପ୍ରଭୁ ଆସିବକି 

ଆସିବ ଆସିବ ମନେ ମନେ ଭାବି 

ସରାଗରେ ମୁଁ ଯେ,ଅଛି ଟାକି 

ଥରେ ଆସିବକି •••••।

 ସେନହ ଶରଧା ପିରତି ପ୍ରୀତିରେ 

ପରଷି ସଧିରେ ଶ୍ରୀ ରଙ୍ଗ ଅଧରେ 

ମଧୁଭରା ଶ୍ରୁତି ପ୍ରିତିଭରା ସୁରେ 

ମୋହନ ମୁରଲୀ ବାଇବକି 

ଥରେ ଆସିବକି •••••।

ଖୁଦଭଜା ମୁଠେ ଅଣ୍ଟିରୁ ଛଡାଇ 

ରସିଲ ହେ ପ୍ରଭୁ ଶାଗ ଭଜା ଖାଇ 

ପୂର୍ବ ଅନୁରାଗ ସଂପ୍ରତି ସରାଗ 

କଥା ଟିକେ ମନେ କରିବକି 

ଥରେ ଆସିବକି••••।

କେତେ ଝଡ଼ଝଂଜା ଜୀବନେ ଆସିଛି 

ତୁମ ବାଟ ଚାହିଁ ତଥାପି ବଞ୍ଚିଛି 

ଏବେ ବି ମରିନି ଆଶା କୁଞ୍ଜଲତା 

ଭେଟାଭେଟି କେବେ ହୋଇବ କି 

ଥରେ ଆସିବକି •••••।

ଆସ ଆସ ପ୍ରଭୁ ହେଲେଣି ଅଥୟ 

ନିବାରଣ କର କଳୁଷିତ ଭୟ 

ଅଭୟ ଆଶ୍ରୟ ଦେଇ ପାଦତଳେ 

କାମନା ମୋ ପୂର୍ଣ୍ଣ କରିବକି କି 

ଥରେ ଆସିବକି ••••।

ରାଉରକେଲା