ବାଲେଶ୍ଵର,୦୮/୮/୨୨- ରୋଷେଇ ଘରେ ମହିଳାଙ୍କ ଆତ୍ମହତ୍ୟା । ଏପରି ଏକ ଘଟଣା ଘଟିଯାଇଛି ବାଲେଶ୍ଵର ଜିଲ୍ଲା ଖଇରା ଥାନା ଶ୍ଯାମସୁନ୍ଦରପୁର ଗ୍ରାମରେ । ଗ୍ରାମର ସଞ୍ଜିବ ରାଉଳ ଦୀର୍ଘ ୮ ବର୍ଷ ତଳେ ଖନ୍ତାପଡା ଅଞ୍ଚଳର ମିନାକ୍ଷୀ ବିଶ୍ବାଳଙ୍କୁ ବିବାହ କରିଥିଲେ । ତାଙ୍କର ଏକମାତ୍ର ୬ ବର୍ଷର ଝିଅ ଅଛି । ସବୁ ଠିକଠାକ୍ ଚାଲିଥିଲେ ମଧ୍ୟ ମିନାକ୍ଷୀ କିଛିଦିନ ଧରି ଛାତିରେ ଯନ୍ତ୍ରଣା ହେଉଥିବା ନେଇ ବାରମ୍ବାର ପରିବାର ଲୋକଙ୍କୁ କହି ଆସୁଥିଲେ । ଏ ନେଇ ପରିବାର ଲୋକ ମଧ୍ୟ ତାଙ୍କର ଅସ୍ତ୍ରୋପଚାର କରାଇଥିଲେ । ହେଲେ କିଛି ସୁଫଳ ମିଳି ନଥିଲା । ଅତ୍ଯଧିକ ଯନ୍ତ୍ରଣା ହେଉଥିବା ନେଇ ଗତକାଲି ସନ୍ଧ୍ୟାରେ ଶାଶୁଙ୍କୁ ଜାଣାଇଥିଲେ । ମିନାକ୍ଷୀ ଏନେଇ ଗତକାଲି ବିଳମ୍ବିତ ରାତିରେ ଖାଇ ଶୋଇଥିଲେ । ସକାଳୁ ଉଠିବା ବିଳମ୍ବ ହେବାରୁ ପରିବାର ଲୋକ ଖୋଜିଥିଲେ । ଶେଷରେ ମିନାକ୍ଷୀ ରୋଷେଇ ଘରେ ଥିବା ଏକ ପଙ୍ଖାରେ ଶାଢୀ ଲଗାଇ ଆତ୍ମହତ୍ୟା କରିଥିବାର ପରିବାର ଲୋକେ ଦେଖିବାକୁ ପାଇଥିଲେ । ତାଙ୍କ ପାଖରେ ପଡିଥିବା ଏକ ସୋଇସାଇଡ଼ ନୋଟ ମିଳିଛି । ଯେଉଁଥିରେ ମୋ ମୃତ୍ୟୁ ପାଇଁ କେହି ଦାୟୀ ନୁହଁନ୍ତି, ଆଧିକ ଯନ୍ତ୍ରଣା ହେବାରୁ କେତେ ମେଡିସିନ ଖାଇବି ଶେଷରେ ମୁଁ ଆତ୍ମହତ୍ୟା କରୁଛି ମୋ ଝିଅ ତମକୁ ଲାଗିଲା ତାଙ୍କୁ ସମସ୍ତେ ଦେଖିବେ ବୋଲି ଲେଖା ଅଛି । ଏହି ନୋଟକୁ ପୋଲିସ ଜବଦ କରିଛି । ମିନାକ୍ଷୀଙ୍କର ସ୍ୱାମୀ ଆର୍ମିରେ କାର୍ଯ୍ୟରତ ଅଛନ୍ତି । ମିନାକ୍ଷୀ ସୋରରେ ରହି ଏକ ଘରୋଇ ଶିକ୍ଷାନୁଷ୍ଠାନରେ ପାଠ ପଢ଼ାଉଥିଲେ । ଗତକାଲି ନିଜ ଶ୍ବଶୁର ଘର ଶ୍ଯାମସୁନ୍ଦରପୁରକୁ ଆସିଥିଲେ । ଖବରପାଇ ଖଇରା ପୋଲିସ ଘଟଣା ସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
