ତୂଳସୀ

ମାନଗୋବିନ୍ଦ ସ୍ବାଇଁ

ତୋ ଧଣ୍ଡା ତୂଳସୀ ପାଇ ଦେଲ ତୁଣ୍ଡେ

   ମନ ହୁଏ ମୋ ପବିତ୍ର

ତୋ ଜଳ ପାଦୁକା ମୁଣ୍ଡରେ ପଡ଼ିଲେ

    ପାପ ଛାଡ଼ି ଯାଏ ମାତ୍ର।

ତୂଳସୀ ଜଳକୁ ପାପୁଲି ଧରିଲେ

     ଦେହ ମନ ହୁଏ ସୁସ୍ଥ

ତୂଳସୀ ଜଳକୁ ମନ୍ତ୍ର ପାଠ କଲେ

    ରୋଗ ଦୂର ଯେ ସମସ୍ତ।

ତୂଳସୀର ମାଳା ଗଳାରେ ପକାଇ

    ଯୋଗ ଧ୍ୟାନ କରି ଜପ

ସିଦ୍ଧି ଲାଭ ହୁଏ ପୁଣ୍ୟ ଫଳ ପ୍ରାପ୍ତି

    ଦିନକୁ ଛାଡୁଛି ପାପ।

ତୂଳସୀ ପ୍ରଭୁଙ୍କ ନିତି ବ୍ୟବହାର

    ପୂଜା ପାଇଁ ଯେ ସାମଗ୍ରୀ

ପ୍ରଭୁଙ୍କ ମହିମା ତୂଳସୀ ପତ୍ରରେ

     ଭକ୍ତ ପାଇଁ ଭକ୍ତି ମିଶ୍ରି।

ତୂଳସୀ ଦେବତା ସର୍ବ ଦେବ ପାଶେ

     ତା ଜଳକୁ କରୁ ପାନ

ତୂଳସୀର ଦାମ ଯିଏ ବୁଝି ପାରେ

   ଦେଖି ପାର ଭଗବାନ।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା