ଜଣାଣ

ମାନଗୋବିନ୍ଦ ସ୍ବାଇଁ

ପଥର ଖସୁଛି ଦେଉଳ ଭିତରୁ

   ହେଲା କିସ ଅନାଚାର 

ଦର୍ଶନ କରିଲେ ପ୍ରଭୁ ଭାବ ଆସେ

    ଭକ୍ତିରେ ମୋର ଈଶ୍ୱର।

 ତୋ ନାମ ଧରିଲେ ପଥ ପରିଷ୍କାର 

      ବିପଦ ଯାଏ ଦୂରେଇ

ଭକ୍ତି ଆସି ଯାଏ ହୃଦୟ ମଧ୍ୟରେ

 ସତେଦେଖା ହେ ଗୋସାଇଁ।

ତୂଳସୀ ପତର ପାଦୁକା ପାଇଲେ

   ଦେହ ମୋ ହୁଏ ନିର୍ମଳ

ଗରୁଡ଼ ସ୍ତମ୍ଭରୁ ଦର୍ଶନ କରିଲେ

    ହୃଦୟ ଆସୁଛି ବଳ।

ଭକ୍ତି ମନ ଧରି ଆଗକୁ ଆଗକୁ

   ମୁଯେ ଯାଏ ଆସ୍ତେ ଚଢ଼ି

ଚାହିଁ ଦେଲେ ପ୍ରଭୁ ଅନାଇ ଚାହିଁଛି

   ଦେଲି ଦୁଇ ହାତ ଯୋଡ଼ି।

କହି ଦେଲି ସବୁ ମନର କଥାକୁ

    ପ୍ରଭୁ କରିବ ବିଚାର

ଦୋଷ କ୍ଷମା ମୋର ମାପ କରି ଦେବ

    ବାଳୁତ ଧରେ ପୟର।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା