ସମୟ ର ଖେଳ

                           ନିରୁପମା ପାଣି

ଆଜି କାଲି ଦୁନିଆଁ ରେ ବାପ ପୁଅର ହେଉନି ତ ପୁଅ ମାଆକୁ ଚାହୁଁନି ପ୍ରତିଦିନ ଏପରି ଘଟଣା କୋଉଠି ନା କୋଉଠି ଦେଖିବାକୁ ମିଳୁଛି ! ଆଜିର ସମାଜର ନିତୀ ଦିନିଆ ଖବର ବୟସ୍କ ଲୋକ ମାନେ ଅନୈତୀକ ପ୍ରେମ ଲାଗି ନିଉଜ୍ ର ହେଡ୍ ଲାଇନ୍ ବନି ରାତା ରାତି ଫେମସ୍ ହୋଇଯାଉଛନ୍ତି!! ହେଲେ ଏମିତି ବି ଲୋକ ଅଛନ୍ଥି ହୃଦୟରେ ଶାସ୍ୱତ ପ୍ରେମକୁ ଯାବୁଡି ଧରି ନିଜକୁ ଜାଳୁଛନ୍ତି ଆଉ ନିଜ ପ୍ରେମକୁ ସାରାଜୀବନ ଖୁସିରେ ରଖିବାକୁ ଚାହୁଁ ଛନ୍ତି ! ସମାଜର ଲକ୍ଷ୍ଣଣ ରେଖା ପାର ହେବାର ଭୁଲ୍ ନ କରିବାର ନିଷ୍ପତ୍ତି ନେଇ !!

        ଦୀର୍ଘ ପଇଁତିରିଶି ବର୍ଷ ତଳର ଛୋଟିଆ ସ୍ମୃତି ଆଜିବି ଉଙ୍କିମାରୁଛି ରାଜେଶ୍ ବାବୁଙ୍କ ମନରେ !! ଯୁକ୍ତଦୁଇ ଶେଷ ବର୍ଷ ସେକେଣ୍ଡ୍ ସେଟିଙ୍ଗ୍ ପରୀକ୍ଷା ସରିଲା ବେଳକୁ ସମୟ ସାଢେ ଚାରିଟା ପାଖାପାଖି , ଆକାଶରେ ଖରାଦିନିଆଁ ବର୍ଷାଟା କଳା ହାଣ୍ଡିଆ କରି ମାଡି ଆସଥାଏ !! କଲେଜ୍ ରୁ ଘର ପ୍ରାଏ ପନ୍ଦର କିଲୋମିଟର୍ ହଠାତ୍ ସାଇକଲ୍ ଖରାପ ହୋଇଯାଇଥାଏ ! ସାଙ୍ଗ ପିଲା ମାନେ ଯିଏ ଯୁଆଡେ ପଳାଇଲେ ! ରାସ୍ତା ମଝିରେ ରାଜେଶ୍ ଠିଆ ହୋଇ ଅପକ୍ଷା କରିଥାଏ କିଏ ଯଦି କିଛି ସାହାଯ୍ୟ କରିବ ! ସତ କଥା ହେଲେ ସେହି ସମୟରେ ବାପା ମାଆ ପିଲାଙ୍କୁ ଏକ ଟଙ୍କା ବା ଦୁଇ ଟଙ୍କା ଦେଇ ପାରୁଥିଲେ !! କିଛି ବି ଖର୍ଚ ନକଲେ ବି ଚଳିଯାଉଥିଲେ ପିଲାା ! ରାଜେଶ୍ ସାଇକେଲ୍ ମରାମତି କଲା ଭଳି ପଇଶା ତା ପାଖରେ ନଥାଏ !! ସେହି ସମୟରେ ଦୁଇ ଚାରିଜଣ ଝିଅ କଲେଜ୍ ରୁ ଚାଲି ଚାଲି ଫେରୁଥିଲେ , ପାଖ ଗାଆଁ ଝିଅସବୁ ଥିଲେ ସେମାନେ!! ଜଣେ ଝିଅ ରାଜେଶ୍ କୁ ଗୋଟିଏ ସାଇକେଲ୍ ସଜଡା ଦୋକାନକୁ ନେଇ ନିଜ ଚିହ୍ନା ରେ ତା ସାଇକେଲ୍ ସଜାଡି ଦେଲା ! ରାଜେଶ୍ ଠାକୁରଙ୍କୁ ମୁଣ୍ଡିଆ ମାରି ନିଜ ଘରକୁ ଚାଲିଗଲା ! ଝିଅଟି ବି ଫେରିଗଲା ନିଜ ଘରକୁ ! ତା ପରେ ଆଉ ଝିଅଟି ସଙ୍ଗେ ଦେଖା କରି ପାରିଲାନି ରାଜେଶ୍ , କେବଳ ଯାହା ଝିଅଟିର ଡ୍ରେଶ୍ ବିଷୟରେ କହି ଜଣେ ସାଙ୍ଗ ପାଖରୁ ଝିଅଟିର ନାଁ ମମତା ପଣ୍ଡା ବୋଲି ଜାଣିପାରିଥିଲା !! ମନେ ମନେ ସେ ମମତାକୁ ଖୋଡୁଥିଲା ହେଲେ କେଉଁଠିବି ଦେଖା ପାଇଲା ନାହିଁ ! 

ସମୟ ଗଡି ଚାଲିଲେବି ରାଜେଶ ମମତାକୁ ଭୁଲି ପାରୁନଥାଏ! ମମତା ତା ହୃଦୟ ରେ ଘରକରି ସାରିଥାଏ! ପାଠ ପଢା ସାରି ବିଦେଶୀ କମ୍ପାନୀ ରେ ରାଜେଶ ଚାକିର୍ କରୁଥାଏ ଭଲ ମୋଟା ଅଙ୍କର ଦଳମା ବି ପାଉଥାଏ ! ବାପା ମାଆଙ୍କୁ ଖୁସି କରିବାକୁ ବାହା ବି ହେଲା ହେଲେ ମମତା କୁ ଭୁଲି ପାରିଲାନି ! 

      ମମତା ଥିଲା ଗରିବ ଘରର ଝିଅ ଟିଏ ! ଯୁକ୍ତ ଦୁଇ ଫେଲ୍ ପରେ ତାକୁ ତା ବାପା ମାଆ ବାହା କରେଇ ଦେଲେ! ସେ ବା କାହିଁକି ଜାଣିବ ଯେ ରାଜେଶ୍ ତାକୁ ଭଲ ପାଉଛି , ସେ ତ ସେ ସମୟର ଘପଣାକୁ ବି ଭୁଲି ଯାଇଥାଏ ! ତା ଜୀବନରେ ଭଗବାନ୍ ସବୁ ବେଳେ ଦୁଃଖ ଆଉ ଗରିବି ଲେଖି ଦେଇଥିଲେ ବୋଧେ ! ତେଣୁ ସେ ନିଜ ଦୁଃଖ କୁ ନେଇ କବିତା ଲେଖି ନିଜକୁ ଖୁସି କରେ ! ଥରେ ତା ଲେଖା ଗୋଟିଏ ଲେଖା ପେପର୍ ରେ ଫଟ ସହ ବାହାରିଥାଏ ! ଲେଖା ଅପକ୍ଷା ଫଟୋଟାକୁ ଦେଖି ରାଜେଶ କୁ ଲାଗିଲା ଏଇ ମମତା ନୁହେଁ ତ! କାରଣ ମମତା ବାହ୍ ହେଲା ପରେ ତା ର ନାଆଁ ମମତା ପଣ୍ଡା ରୁ ସବୀତା ମିଶ୍ର ହୋଇଯାଇଥିଲା ! ରାଜେଶ୍ ସେ ଲେଖା ଫଟୋ ଦେଖି ଫେସ୍ ବୁକ୍ ରେ ଫ୍ରେଣ୍ଡ୍ ରିକ୍ୱେଷ୍ଟ ଦେଲା ଅପକ୍ଷା କଲା କେତେବେଳେ ସବୀତା ମିଶ୍ର ଆକ୍ ସେପ୍ଟ କରିବ ! ତା ସହିତ ଅନ୍ୟ ସାଙ୍ଗ ମାନଙ୍କୁ ମମତା ବିଷୟରେ ପଚାରି ବୁଝିଲା ! କେହି ଜଣେ ତାକୁ କହିଲା ମମତା ର ଏବେକା ପରିଚୟ ସବୀତା ମିଶ୍ର ! ଆଉ ସେ ହିଁ କିଛି ଲେଖା ଲେଖି କରେ ! ରାଜେଶ୍ ଖୁସି ହୋଇଗଲା ହେଲେ ତା ଖୁସି ଟା ବେଶି ସମୟ ରହିଲାନି ! ଯେତେ ବେଳେ ସାଙ୍ଗଟି କହିଲା ସବୀତା ଆଜୀବନ ଦୁଃଖ ସହ ଲଢେଇ କରୁଛି ଆଉ ଏବେ ସେ ରୋଗ ଶଯ୍ୟା ରେ ମରଣକୁ ଅପକ୍ଷା କରିଛି ! 

    ରାଜେଶ୍ ମମତାର ଫୋନ୍ ନମ୍ବର ଯୋଗାଡ କଲା ଆଉ କଥା ବି ହେଲା ! ମମତା ରାଜେଶ୍ କିଏ ଜାଣିନି କହିଲା ! ରାଜେଶ୍ ନିଜ ପରିଚୟ ଦେଇ ମମତାକୁ ସେ ଦିନରୁ ଏ ଯାଏ ଭୁଲିନି ଆଉ ଭଲ ପାଏ ବୋଲି ନିସଙ୍କୋଚରେ କହି ଦେଲା ! ରାଜେଶ୍ ବାହା ହୋଇଚି ସତ ଏବିବି ନିଃସନ୍ତାନ ! ନିଜ ରୋଜଗାର ର କିଛି ପଇଶା ଗରିବ ଅନାଥ ମାନଙ୍କୁ ଦାନ କରି ଖୁସି ହୁଏ !ମମତାର ସମସ୍ତ ଖର୍ଚ ସେ ନିଜେ ବହନ କରିବାର ଦାୟିତ୍ଵ ନିଜ ଉପରକୁ ନେଇଗଲା ! ହେଲେ ମମତା ର ସର୍ତ୍ତ ଥିଲା ସେ ସାରାଜୀବନ ଅଭାବ ଅସୁବିଧାରେ ଥିଲେବି ନିଜକୁ ଭୁଲ୍ ରାସ୍ତାରେ ନେଇନି ଆଜିବି ସେ କୌଣସୀ ଭୁଲ୍ କରିବାର ମାନସୀକତା ଠୁ ଦୂରରେ ! ରାଜେଶ୍ ମମତାକୁ କଥା ଦେଲା ଜୀବନରେ କେବେ ତୋ ମାନସମ୍ମାନ ରେ ଆଞ୍ଚ ଆସିବାଭଳି କୌଣସି କାମ କରିବିନି ! ଶେଷ ଯାଏ ତୋତେ ହୃଦୟରେ ସାଇତି ରଖି ଭଲ ପାଇବାର ସ୍ୱାଦ ଚାଖିଚାଲିଥିବି!!

ଜଣେ ଭଲ ବନ୍ଧୁର ସମସ୍ତ କର୍ତ୍ତବ୍ୟ କରିବାକୁ ଖାଲି ଅନୁମତି ଦରକାର! 

ମମତା ଭାବୁଥିଲା ଏମିତି ମଣିଷ ଆଜିବି ଦୁନିଆଁ ରେ ଅଛନ୍ତି ! ଭଗବବାନ୍ ସବୁ ମଣିଷଙ୍କୁ କାହିଁକି ଏପରି କରି ଗଢିତୋଳୁନ! ସମାଜରୁ ଦୁଃଖ ହଟି ଯାଅନ୍ତା ସମସ୍ତେ ହସନ୍ତେ! ଠିକ୍ ମୋ ଭଳି!

         ଚାନ୍ଦବାଲି  , ଭଦ୍ରକ୍