ଯନ୍ତ୍ରଣା… ନିରପେକ୍ଷ ବାଦୀର
ନିରପେକ୍ଷ ବାଦୀ !
ଦୁଇଟି ଅବୁଝା ପକ୍ଷର କନ୍ଦଳ ମଧ୍ୟରେ
ଅନୁଭବ କରେ
ଯେଉଁ ଯନ୍ତ୍ରଣା….!
ସେ ଯନ୍ତ୍ରଣା
ତା’ ଛଡା ଯିଏ ବୁଝିବ
ସିଏତ ସେ ଗୋଷ୍ଠୀର…
ତା’ ଯନ୍ତ୍ରଣାର ଅନୁଭବୀ…
ସେବି ଛଟ୍ ପଟ୍ ସେ ଯନ୍ତ୍ରଣାରେ…
ସେ କଣ ବୁଝିବ ?
ବିଡମ୍ବନା…
ଆଉ ଗୋଟେ,
ଛଟ୍ ପଟ୍ ହେଉଥିବା ମଣିଷବି
ବୁଝି ପାରିବନି
ଛଟ୍ ପଟ୍ ହେଉଥିବା ମଣିଷର
ସେ ଯନ୍ତ୍ରଣାକୁ….
ଆଉ ଯିଏ ବୁଝିବ
ସିଏତ ତା’ର ବିପକ୍ଷ…
ଦୁଇ ପକ୍ଷ !!
ଅବଶୋଷ !
ସେ କହିପାରେନି
କର୍ଣ୍ଣ ମଲେ ପାଞ୍ଚ କି
ଅର୍ଜ୍ଜୁନ ମଲେ ପାଞ୍ଚ….
ଅବା,
ମିଳେନାହିଁ କି,
ଚାହିଁବି ସେ ପାରେ ନାହିଁ
ସେ ଯୁଦ୍ଧରୁ ବିରତି ପାଇଁ
‘ବଳରାମ ତୀର୍ଥ ଯାତ୍ରା’ ତାକୁ !!
ଭ୍ରମର ବାଗ,
କୋଦୋବେଡ଼ା, ନୂଆପଡ଼ା
