କେମିତି କୁହତ ଥରେ …… !!

      (ଝରିଗଲ ଲେଖନୀ ମୁନରେ )

         ସାଧନା ପଣ୍ଡା 

ହଜିଲା ସମ୍ପର୍କକୁ ଭିଜି ଭିଜି ବର୍ଷାରେ

ଖୋଜି ଖୋଜି ପାଇଗଲି 

ଓଦା ଓଦା ଅକ୍ଷରେ

କବିତାର ରୂପ ନେଇ

ଝରିଗଲ ଅସଂଜତ ଲେଖନୀ ମୁନରେ ,

ଅସ୍ଥିର , ଚଞ୍ଚଳ, ଛଳ ଛଳ ଝରଣା ପରି 

ଜଗାଇ ମନେ ପ୍ରୀତି ଭାବନା ,,,,,,,

ସେଦିନୁ ଧାଇଁଚି ମରିଚିକା ପଛେ !

କାହିଁକି ଏ’ ହୃଦୟ ହୁଏ କା’ ପାଇଁ ଅଥୟ

ଯାହା ସ୍ୱପ୍ନରେ ହୋଇ ବିଭୋର !

ମାତାଲ୍ ହୋଇ , ସଜାଏ ତନୁକୁ 

ଆଉଟା ଅନ୍ଧାର ମଧ୍ୟେ

ଖୋଜେ ଖାଲି ତାହାକୁ 

ନଦୀର ପାଗଳ ପଣରେ … ,

କାଦୁଅ ବର୍ଷାର କାଦୁଆ ରାସ୍ତାରେ… ,

ଦାଉ ଦାଉ ଦିଶିଯାଅ

ମୋ’ ପାପୁଲିର ରେଖାରେ ,

ଆଶାର ସୁନେଲି କ୍ଷେତରେ ,

ଅବା ଉଦ୍ବେଳିତ ହୃଦ -ସମୁଦ୍ରରେ ,

ଭିଜାଅ ମନ ପ୍ରଜାପତିର ଡେଣାକୁ …..

ଫୁଲର ପାଖୁଡାକୁ…….

 ଆଉ — ଆଉ ,

ମୋ ତୃଷାର୍ତ୍ତ ଓଠକୁ …..

କେମିତି ,,,,,,, 

କେମିତି କୁହତ ଥରେ ??

ହଜିଲା ସମ୍ପର୍କକୁ ଭିଜି ଭିଜି ବର୍ଷା ରେ !!

   ସାଧନା ପଣ୍ଡା 

     ଭୁବନେଶ୍ବର