ଜୟ ଗଣେଶ

କବି ସୌରଭ ବୈଜୟନ୍ତୀ ମାଳା ମହାପାତ୍ର

ଜୟ ଗଣେଶ ବିଘ୍ନେଶ ଗିରିଜା ନନ୍ଦନ ପ୍ରଭୁ

ମମ ବିଘ୍ନ ବିନାଶାୟ ଗଣାଧିପତୟେ ନମଃ ll

ଜୟ ଜୟ ଗଣ ପତି ବିଘ୍ନ ବିନାଶକ

ଜୟ ଲମ୍ବୋଦର ରିଦ୍ଧି ସିଦ୍ଧିଙ୍କ ନାୟକ

ଜୟ ପାର୍ବତୀ ନନ୍ଦନ,

ଜୟ ଅଗ୍ରପୂଜ୍ୟ ଜୟ ଜୟ ଗଜାନନ ll

ଜୟ ଜୟ ବିଦ୍ୟା ବୁଦ୍ଧି ଜ୍ଞାନର ଭଣ୍ଡାର

ଜୟ କାର୍ତ୍ତିକେୟ ଭ୍ରାତା ଜୟ ଗଣେଶ୍ୱର

ଜୟ ଜୟ ଲଡୁହାରୀ,

ଜୟ ହେ ଶଙ୍କର ସୁତ ସର୍ବଶୁଭ କାରୀ…..(୨)

ଜୟ ମହାକାୟ ଜୟ ଜୟ ବକ୍ର ତୁଣ୍ଡ

ଜୟ ସର୍ଵ ସିଦ୍ଧି ଦାତା ଜୟ ଗଜମୁଣ୍ଡ 

ଜୟ ଜୟ ଅଗ୍ରପୂଜ୍ୟ,

ଜୟ ଇନ୍ଦୁର ବାହନ ପୂର୍ଣ୍ଣ କର କାର୍ଯ୍ୟ ll

ତୁମ ଚରଣରେ ନାଥ ଗଲି ହେ ଶରଣ

ଅଜ୍ଞାନ ତିମିର ନାଶି କର ପରିତ୍ରାଣ

ଏହି ମହୀ ମଣ୍ଡଳରେ,

ତୁମ କୃପା ଢାଳି ସାର କର ହେ ନରରେ ll

ଫୁଲବାଣୀ, କନ୍ଧମାଳ