ସକାଳ ଜଣାଣ
ଜଗତର ନାଥ ଈଶ୍ୱର
ତୁମରି କରୁଣା ଅପାର।।
ତୁମରି ଆଶିଷେ ଜଗତେ
ହୁଏ ଦିନ ରାତି ନିରତେ।।
ଅନ୍ତର୍ଯ୍ୟାମୀ ତୁମେ ବୋଲାଇ
ବସିଛ ଭୂଜକୁ ମେଲାଇ।।
ଷାଠିଏ ପଉଟି ଖାଉଛ
ରତ୍ନ ଖଟେ ପୁଣି ଶୋଉଛ।।
ଭକ୍ତ ପ୍ରିୟ ଚକାନୟନ
ମନକୁ ମୋ ବୁଝି ପାରୁନ।।
ମାଗୁ ନାହିଁ ଧନ ରତନ
ଝୁରେ ତୁମ ଛନ୍ଦା ଚରଣ।।
ଦୁଃଖୀଟିଏ ବୋଲି ଆସିଛି
ବଡ଼ଦାଣ୍ଡେ ତୋର ବସିଛି।।
ଅଭଡ଼ାକୁ ତୋର ଚାହିଁଛି
ତୋ ଛଡ଼ା ତୁଳସୀ ଖୋଜୁଛି।।
କରୁଣା ଟିକିଏ ତୋହର
ଖୋଜୁଛି ଏମନ ମୋହର।।
ସାହା ହୁଅ ଦୀନ ବାନ୍ଧବ
ତୋ ଚରଣେ କୋଟି ପ୍ରଣାମ।।
ଶୁଭଶ୍ରୀ ପ୍ରଧାନ
କୋଣାର୍କ , ପୁରୀ
