ନୂଆଖାଇ ହସୁଛି

ଆଜି ନୂଆ ଖାଇ ହସୁଛି ରାଇଜ ବାଜୁଅଛି ସାହାନାଇ

ଘରେ ଘରେ ପିଠାପଣା ର ଆସର ସାହା ମାଆ ସମଲେଇ।

ଯିଏ ଯେତେ ଦୂରେ ରହିଥିଲେ ଆଜି ଘରକୁ ଆସନ୍ତି ଫେରି

ଏକାଠି ହୁଅନ୍ତି ଏକାଠି ଖାଆନ୍ତି ସତେ କି ସରଗପୁରି।

ଘର ଦୁଆର କୁ ପରିମଳ କରି ଆଙ୍କନ୍ତି ଦୁଆରେ ଝୋଟି

ସାଗର ଦୁଲଣୀ ଲକ୍ଷ୍ମୀ ଠାକୁରାଣୀ ପ୍ରବେଶ କରନ୍ତି ଆସି।

ଇଷ୍ଟଦେବତା ଙ୍କୁ ଆରାଧନା କରି ଦିଅନ୍ତି ଲାଗି ଲଗାଇ

ଗୁରୁଜନଙ୍କର ଶୁଭାଶିଷ ନେଇ ଆନନ୍ଦେ ବିହୋର ହୋଇ।

ନୂଆ ଖାଇ ଦିଏ ଅନେକ ବାରତା ସଭିଙ୍କୁ କରେ ଏକାଠି

ସ୍ବଚ୍ଛ ପରିମଳ ହୁଏ ପରିବେଶ କମଳା ହୁଅନ୍ତି ଖୁସି।

ଜନରଞ୍ଜନପ୍ରଧାନ

ଆଳୋଇ , ବାଲିପାଟଣା , ଖୋର୍ଦ୍ଧା