ଜଣାଣ

 

ମାନଗୋବିନ୍ଦ ସ୍ବାଇଁ

ଗରୁଡ଼ ସ୍ତମ୍ଭରୁ ଦର୍ଶନ କରିଲେ

   ମୋ ଭକ୍ତି ଭାରି ବଢିଆ 

ବାଇଶି ପାହାଚ ମୋ ପାଦ ପଡ଼ିଲେ

    ମୋ ଶକ୍ତି ଆସେ ବଢ଼ିଆ।

ପାଦତ ପଡୁଛି ମନ ବି ପ୍ରଫୁଲ୍ଲ

    ଗମ୍ଭୀରେ ଜଗା ଦର୍ଶନ

ଚକ୍ଷୁର ମିଳନ ପତା ବି ପଡୁନି

   ଠାରି କହେ ଭକ୍ତ ଜନ।

ମନ୍ତ୍ର ଉଚ୍ଚାରଣ କହେ ଭକ୍ତ ଜନ

    ଉଦ୍ଧାର କର ବିପତ୍ତି

ତୁମେ ଥାଉ ଥାଉ ଆଉ ପାଶେ ଯିବି

     ତୁମେ ମୋ ଭକ୍ତି ସଂପତ୍ତି।

ଅଭାବ ପଡ଼ିଲେ ତୁମେ ଅଛ ପ୍ରଭୁ

     ଉଦ୍ଧାର କରତା ହରି

ତୁମକୁ ଛାଡ଼ିଲେ ବଞ୍ଚି ପାରେ ନାହିଁ

    ସବୁ କାଳେ ଅଛ ପୁରୀ।

ତୁମ ବିନା ଗତି ତୁମ ବିନା ମୁକ୍ତି

    କିଏବା ଅଛି ମୋ ହରି

ସକାଳ ପ୍ରହରୁ ଦର୍ଶନ କରିଲେ

   ଶାନ୍ତି ରହେ ଦିନ ଭରି।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା