ଜଣାଣ

ମାନଗୋବିନ୍ଦ ସ୍ବାଇଁ

ଫୁଲ ମୁ ଆଣିଛି ଜଳ ମୁଁ ଆଣିଛି

    ଆଣିଛି ଧୂପ ଯେ ଦୀପ

ପୂଜା ଦେଇ ମୁହଁ ପ୍ରାର୍ଥନା କରୁଛି

      ଛାଡ଼ି ଯାଉ ମୋର ପାପ।

ତୁମରି ଦ୍ଵାରରୁ ନିରାଶ ନାହଁ ମୋ

    ଭଲ ପଥ ପ୍ରଭୁ ଦିଅ

ତୁମରି ଶରଣେ ଆଶ୍ରୟ କରିଛି

     ପଥ ସବୁ ମୋତେ କୁହ।

ତୁମ ଛଡ଼ା ମୋର ଅନ୍ୟ ଗତି ନାହିଁ

     ତୁମେ ଏକା ମୋ ଭରସା

ଜୀବନ କାଳରେ ଏକା ମୋର ସାଥୀ

     ରହିଛି ବହୁ ମୋ ଆଶା।

ତୁମ ନାମ ଧରି ପଥ ଅନୁସରି

   ଯାଉଛି ଯାତ୍ରା ମୋ ଦେଶ

ପଥରେ ଶୁଭ ରେ ଶୁଭ ଆଶିର୍ବାଦ

   ଯାତ୍ରାକୁ ଦେବ ସାହସ।

ତୂଳସୀ ପାଦୁକା ତୁଣ୍ଡରେ ପାଇଲେ

   ମନ ମୋ ହୁଏ ପବିତ୍ର

ଶୁଭ ପଥ ଖୋଲ ଆଗକୁ ଯିବାକୁ

   ଯାତ୍ରା ମୋ ହୁଏ ସ୍ବତନ୍ତ୍ର।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା