ନାଉରିଆ

କବି ସୌରଭ ବୈଜୟନ୍ତୀ ମାଳା ମହାପାତ୍ର

ରାଗ – ରାମକେରୀ

ନାଉରିଆ ଭାଇ କାତକୁ 

         ସଳଖେ ଧରି ଥିବୁ,

ପବନର ବେଗ ଦେଖିକି

             ନାଆ ଚଳାଇ ଦେବୁ ll

ଏଡାଇବୁ ସବୁ ବିପଦ 

             ତୋତେ ଭରସା କରି,

ବସିଛୁ ନାଆରେ ତୋହର

             କରି ଦେବୁରେ ପାରି ll

ଏହି ଜୀଵନର ରକ୍ଷକ

           ତୁହି ନାଉରୀ ଭାଇ,

ଭକ୍ଷକ ସାଜିଲେ କାହାର

           ହେବୁ କହରେ ତୁହି !

ଏ ଭବସାଗରେ ପରା ତୁ

         ସୁଦକ୍ଷ ନାଉରିଆ,

 ଚକା ଚକା ଆଖି ତୋହର

         ନାମ ତୋର କାଳିଆ ll

ତୋର ଶରଣରେ ପଶିଲୁ 

             ବୁଡ଼ାଇବୁନି ନାଆ,

ବିପଦେ ଆପଦେ ସମ୍ପଦେ 

             ହେଉଥିବୁରେ ସାହା ll

ଜୟ ଶ୍ରୀ ଜଗନ୍ନାଥ ମହାପ୍ରଭୁ 

ଫୁଲବାଣୀ, କନ୍ଧମାଳ